ԱԱԾ-ն, ՊՆ-ն և ԱԳՆ-ն չեն թողնում հրապարակել քառօրյա պատերազմի բացահայտումները. Անդրանիկ Քոչարյան. ՏԵՍԱՆՅՈՒԹ

«Այս հանձնաժողովը դեռ նոր է ստեղծվել՝ արդեն անվստահություն կա հանձնաժողովի նկատմամբ: Դուք ուսումնասիրեցիք ապրիլյան պատերազմը, և հանրությանը չտեղեկացրեցիք, եզրակացությունը չհրապարակվեց, հանրությունն ի՞նչ պիտի իմանա 44-օրյա պատերազմի մասին, որն այս իշխանության օորոք է եղել»,- խորհրդարանական ճեպազրույցի ընթացքում այս դիտարկումներին ի պատասխան՝ 44-օրյա պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը նշեց, որ ապրիլյան պատերազմի զեկույցը կա, բայց իրենց մեղադրող ընդդիմությունը չի կարդում այն, միայն 3 ընդդիմադիր պատգամավոր է այն կարդացել՝ Տիգրան Աբրահամյանը, Արծվիկ Մինասյանը և Գեղամ Մանուկյանը…

«Ես գլուխս կախելու որևէ շարժառիթ չունեմ, որովհետև այն աշխատանքը, որն արվեց ԱԺ-ում, բացառիկ էր իր բնույթով… Մեծ ծավալի աշխատանք է կատարվել, ունենք փաստարկված եզրակացություն… Այսօրվա ընդդիմությունը չի կարդում, բա չկարդա՞ք, չնայե՞ք՝ ինչ հարցեր էին տալիս Սեյրան Օհանյանին, ինչ պատասխաններ էր տալիս: Սերժ Սարգսյանը 5 ժամ հարցերի էր պատասխանում, բա Սերժ Սարգսյանը հետաքրքիր չի՞ այս մարդկանց: Կարող է այնտեղ հետաքրքիր բացահայտումներ կային»:

Դիտարկմանը, որ քառօրյա պատերազմի ուսումնասիրությունը ընդդիմության համար չի արվել, և հարցին՝ հանրությունը ե՞րբ է տեղեկանալու՝ Անդրանիկ Քոչարյանը պատասխանեց, որ իրենից կախված ամեն ինչ կանի, բայց ԱԱԾ, ՊՆ-ն, ԱԳՆ-ն պետական գաղտնիքի հետ կապված վերապահումներ ունեն:

Մանրամասները՝ տեսանյութում: