21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
ԵԱՀԿ առաքելության անդամները լքում են Ուկրաինան
Քաղաքականություն
14.02.2022 | 11:57
Եվրոպայում անվտանգության և համագործակցության կազմակերպության (ԵԱՀԿ) հատուկ դիտորդական առաքելությունը, որը տեղակայված է Դոնեցկում, սկսել է լքել քաղաքը, որը վերահսկվում է ռուսամետ անջատողականների կողմից կիրակի օրը՝ Ուկրաինայի վրա ռուսական հարձակման սպառնալիքի ֆոնին, գրում է DW-ի ռուսական ծառայությունը:
«ԵԱՀԿ-ի առանձին մասնակից պետությունները վերջերս որոշել են, որ հատուկ դիտորդական առաքելության ծառայության գործուղված իրենց քաղաքացիները պետք է լքեն Ուկրաինան առաջիկա մի քանի օրվա ընթացքում»,- ասվում է ԵԱՀԿ կայքում։ Թե կոնկրետ որ երկրներից են հեռացել քաղաքացիները, չի նշվում։
«Առաքելությունը կշարունակի կատարել ԵԱՀԿ-ի կողմից հաստատված մանդատը Ուկրաինայի տասը քաղաքներում տեղակայված դիտորդների հետ»,- ասվում է հայտարարության մեջ։
Reuters-ի փոխանցմամբ՝ ԱՄՆ-ը կոչ է արել իր բոլոր քաղաքացիներին լքել Ուկրաինան, այդ թվում՝ հատուկ դիտորդական առաքելության դիտորդներին, մինչդեռ Մեծ Բրիտանիան դիտորդներին դուրս է բերել միայն անջատողականների կողմից վերահսկվող տարածքներից։
Տաթև Ֆռանգյան
