21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
ԱՄՆ-ն Ուկրաինա է հասցրել ռազմական նշանակության օգնության հերթական խմբաքանակը
Քաղաքականություն
13.02.2022 | 18:59
ԱՄՆ-ից Ուկրաինա է հասցվել զինամթերքի հերթական խմբաքանակը։ ТАСС-ի հաղորդմամբ՝ այս մասին հայտնել է Կիևում ԱՄՆ դեսպանատունը։
Ավելի վաղ Ուկրաինա է ժամանել 15 ինքնաթիռ՝ ռազմական նշանակության բեռով: Ընդհանուր առմամբ Վաշինգտոնը հայտարարել է Կիևին 45 չվերթով նյութատեխնիկական ռազմական օգնություն մատակարարելու մասին:
Անցած շաբաթ Ուկրաինայի վարչապետ Դենիս Շմիգալը կառավարության նիստում հայտնել էր, որ գործընկեր երկրներն արդեն Կիևին ռազմական օգնություն են ցուցաբերել 1,5 մլրդ դոլար ընդհանուր արժողությամբ:
Վերջին ժամանակներս Արեւմուտքի երկրներում, ինչպես նաև Ուկրաինայում հայտարարություններ են հնչում Ուկրաինայի տարածք Ռուսաստանի հնարավոր ներխուժման մասին: Ընդ որում, ՌԴ նախագահ Վլադիմիր Պուտինը բազմիցս ընդգծել է, որ Մոսկվան չի պատրաստվում հարձակվել որևէ մեկի վրա, իսկ այսպես կոչված՝ «ռուսական սպառնալիքը» հորինված է:
