25.06.2026 | 19:40
ԵԽԽՎ-ն Վրաստանում ժողովրդավարության նահանջի վերաբերյալ քննադատական բանաձև է ընդունել
Արգելափակումից դուրս է բերվել 38 ավտոմեքենա
13.02.2022 | 00:17
Փետրվարի 11-ից 12-ը ԱԻՆ ՓԾ ճգնաժամային կառավարման ազգային կենտրոնում 24 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝ Երևանում, Արագածոտնի մարզի Ապարան, Կոտայքի մարզի Հրազդան, Ծաղկաձոր, Գեղարքունիքի մարզի Սևան, Վայոց ձորի մարզի Ջերմուկ քաղաքներում, Շիրակի մարզի Ամասիա, Մարմարաշեն գյուղերում, Գեղարքունիքի մարզի Սևան-Դդմաշեն, Շիրակի մարզի Ամասիա-Բյուրակն, Վարդաղբյուր-Մուսայելյան, Հովնունի-Մայիսյան, Աշոցք-Սեպասար, Թավշուտ-Աղվորիկ, Ամասիա-Ծաղկուտ, Սյունիքի մարզի Տաթև-Կապան և Աղվանի-Տաթև ավտոճանապարհներին։
Ինչպես տեղեկացրին ՀՀ ԱԻՆ-ից, դեպքի վայր ժամանած փրկարարներն արգելափակումից դուրս են բերել 38 ավտոմեքենա և 42 քաղաքացու ցուցաբերել համապատասխան օգնություն:
