17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Մակրոնն ու Պուտինը 1 ժամ 40 րոպե հեռախոսով քննարկել են Ուկրաինայի իրադրությունը
Քաղաքականություն
12.02.2022 | 19:28
Ֆրանսիայի նախագահ Էմանուել Մակրոնն այսօր հեռախոսով 1 ժամ 40 րոպե ՌԴ նախագահ Վլադիմիր Պուտինի հետ քննարկել է Ուկրաինայի շուրջ ստեղծված իրավիճակը։ ТАСС-ի փոխանցմամբ՝ այս մասին հայտնել են Ելիսեյան պալատում։
Ֆրանսիայի նախագահի վարչակազմում Agence France-Presse-ի աղբյուրի խոսքով ՝ «քննարկվել են Ուկրաինայի շուրջ լարվածության նվազեցման հեռանկարները»: Ֆրանսիացի և ռուս առաջնորդների շաբաթօրյա զրույցը չորրորդ հեռախոսային խոսակցությունը դարձավ վերջին շաբաթների ընթացքում:
Մակրոնը Պուտինի հետ զրույցում ասել է, որ «անկեղծ երկխոսությունն անհամատեղելի է ռուս-ուկրաինական սահմանին իրավիճակի սրման հետ», հաղորդում է AFP-ն՝ վկայակոչելով Ելիսեյան պալատը։ Գործակալության տվյալներով՝ երկու ղեկավարներն էլ զրույցի ընթացքում պատրաստակամություն են հայտնել շարունակել երկխոսությունը մինսկյան պայմանավորվածությունների կատարման առաջընթացի շուրջ։ Պայմանավորվածություն է ձեռք բերվել նաև շարունակել Եվրոպայում անվտանգության և կայունության պայմանների շուրջ քննարկումները։
Երկուշաբթի օրը Մակրոնը մեկնել է Մոսկվա, որտեղ 5-ժամյա բանակցություններ է վարել Պուտինի հետ, որպեսզի քննարկի ճգնաժամի ապաէսկալացման ուղիները: Դրանից հետո Ֆրանսիայի նախագահը եղել է Կիևում և Բեռլինում՝ շարունակելու իր դիվանագիտական առաքելությունը:
Արևմտյան շատ երկրներ իրենց քաղաքացիներից պահանջել են լքել Ուկրաինայի տարածքը։ Ֆրանսիան դեռ նման հայտարարություն չի արել։
