16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Բլինքենն ու Լավրովը քննարկել են Ուկրաինայում դիվանագիտական կարգավորման հնարավորությունները
Քաղաքականություն
12.02.2022 | 17:43
ԱՄՆ պետքարտուղար Էնթոնի Բլինքենը ՌԴ արտգործնախարար Սերգեյ Լավրովի հետ քննարկել է Ուկրաինայի շուրջ ստեղծված իրավիճակը դիվանագիտական ճանապարհով լուծելու հնարավորությունները։ ТАСС-ի փոխանցմամբ՝ այս մասին ասված է Պետդեպարտամենտի մամուլի ծառայության ղեկավար Նեդ Փրայսի՝ շաբաթ օրը տարածած գրավոր հայտարարության մեջ։
«Պետքարտուղար Էնթոնի Բլինքենն այսօր Ռուսաստանի արտգործնախարար Սերգեյ Լավրովի հետ հեռախոսազրույցում քննարկել է ընդհանուր սուր անհանգստությունը, որ Ռուսաստանը կարող է քննարկել Ուկրաինայի դեմ հետագա ագրեսիայի հնարավորությունը առաջիկա օրերին», – ասված է Փրայսի հայտարարության մեջ: Ինչպես նշվում է փաստաթղթում, Բլինքենը «հասկացնել է տվել, որ մնում են ճգնաժամի լուծման դիվանագիտական ուղիները, սակայն դա Մոսկվայից կպահանջի ապաէսկալացիա և մասնակցություն երկխոսությանը»:
«Նա ընդգծել է, որ Մոսկվան վճռական, մասշտաբային և միասնական տրանսատլանտյան պատասխան կստանա Ուկրաինայի դեմ ագրեսիայի դեպքում»,- հայտարարել է Փրայսը:
Ինչպես փոխանցում է ՌԴ ԱԳՆ-ը, Լավրովն ընդգծել է, որ Ուկրաինայի դեմ «ռուսական ագրեսիայի» մասին ԱՄՆ-ի և նրա դաշնակիցների ծավալած քարոզչական արշավը սադրիչ նպատակներ է հետապնդում՝ Կիևում իշխանություններին խրախուսելով մինսկյան համաձայնագրերի սաբոտաժի և «Դոնբասի խնդրի» ուժային լուծման կործանարար փորձերի:
