10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
«Քաղաքացիներին առևանգելը ոստիկանների ոճն է»․ իրավապաշտպան
Հասարակություն
18.04.2018 | 16:52
«Փողոցներ փակելն ու հիմնարկներ արգելափակելը մտնում են քաղաքացիական անհնազանդության տրամաբանության մեջ։ Հակառակ դեպքում ինչպե՞ս մարդիկ իրենց բողոքը տեղ հասցնեն, որը երկար տարիներ չի լռվել»,- Factor.am-ի հետ զրույցում ասաց իրավապաշտպան Վարդան Հարությունյանը։
Նա չի ընկալում ցուցարարների հանդեպ ոստիկանության բռնի գործողությունները։ «Խաղաղ ցուցարարների նկատմամբ հատուկ միջոցները իրավաչափությունից դուրս են»,- ասում է պարոն Հարությունյանը։
Նա տեղյակ է, որ ոստիկանությունն անցել է քաղաքացիներին առևանգելուն, ասում է, որ դա նրանց ոճն է․ «Եթե հաջողությամբ չպսակվի էս շարժումը, անելու են նույնը»։
Նա բողոքի գործողություններին մասնակցող երիտասարդների մոտ վախ չի տեսնում։ Ի դեպ, իրավապաշտպանը վստահեցնում է, որ երբեք վախ չի տեսել քաղաքացիների մոտ, «մեր քաղաքացին վախենալու բան էլ չի անում, որ վախենա»։
Մհեր Արշակյան
