29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
«Խուլի զրույց համրի հետ»․ Մոսկվայում հանդիպել են ՌԴ ու Մեծ Բրիտանիայի ԱԳ ղեկավարները
Քաղաքականություն
10.02.2022 | 20:25
Մոսկվայում հինգշաբթի օրը՝ փետրվարի 10-ին, տեղի է ունեցել Ռուսաստանի և Մեծ Բրիտանիայի արտաքին գործերի նախարարներ Սերգեյ Լավրովի և Լիզ Թրասի հանդիպումը, գրում է ՏԱՍՍ-ը։
Լավրովն Ուկրաինայում իր բրիտանացի գործընկերոջ հետ զրույցը որակել է որպես «խուլի զրույց համրի հետ»։
«Գիտե՞ք, մենք այսօր մանրամասն խոսեցինք այս մասին։ Ճիշտն ասած, ես հիասթափված եմ, որ խոսակցությունը մեզ մոտ խուլի զրույց համրի հետ ստացվեց, կարծես լսում ենք, բայց չենք ընկալում։ Համենայնդեպս, մեր մանրակրկիտ բացատրություններն, ընդհանուր առմամբ, ընկել են անպատրաստ հողի վրա»,- ասել է նա։
Նախարարները քննարկել են նաև ռուս-բելառուսական «Դաշնակցային վճռականություն-2022» զորավարժությունները, որոնք այսօր մեկնարկել են Բելառուսում։
Մեծ Բրիտանիայի ԱԳՆ ղեկավարն իր հերթին համոզմունք է հայտնել, որ Ուկրաինա ՌԴ ներխուժման դեպքում Հյուսիսային հոսք-2-ը չի հանձնվի շահագործման։
«Եթե Ռուսաստանի ներխուժումը լիներ Ուկրաինա, ուկրաինացիները կկռվեին, դա երկար, երկարատև հակամարտություն կլիներ: Ուկրաինայի դաշնակիցները կոշտ պատժամիջոցներ կկիրառեին կոնկրետ կառույցների և անհատների դեմ», – ասել է նա:
Մեծ Բրիտանիայի ԱԳՆ ղեկավարը հավելել է, որ ինքը եկել է Մոսկվա՝ քննարկելու այլ ուղիներ, որոնք Ռուսաստանը կարող է ընտրել այս ուղղությամբ։
Բացի այդ, Թրասն ասել է, որ ՆԱՏՕ-ն առաջարկներ է պատրաստել, որոնք պատրաստ են քննարկել Ռուսաստանի հետ։
Տաթև Ֆռանգյան
