17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
ԵՄ-ն Ռուսաստանին պաշտոնապես պատասխան է ուղարկել եվրոպական անվտանգության վերաբերյալ
Քաղաքականություն
10.02.2022 | 19:44
ԵՄ արտաքին ծառայությունը պաշտոնապես Ռուսաստանին է փոխանցել իր կոլեկտիվ պատասխանը Ռուսաստանի արտգործնախարարության՝ եվրոպական երկրներին ուղղված եվրոպական անվտանգության վերաբերյալ նամակին։ Այս մասին հայտնում է ՏԱՍՍ-ը՝ հղում անելով ԵՄ-ում Ռուսաստանի մշտական ներկայացուցչությանը։
«Եվրամիությունում Ռուսաստանի մշտական ներկայացուցիչ Վլադիմիր Չիժովն ընդունել է Եվրոպայի արտաքին քաղաքականության Անվտանգության և պաշտպանական քաղաքականության հարցերով ծառայության տնօրեն Յոննիկե Բալֆորթին, ով ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի անունից փոխանցել է նրա նամակը ՌԴ ԱԳ նախարար Սերգեյ Լավրովին՝ ԵՄ անդամ 27 երկրների արտաքին գործերի նախարարների անունից»,- ասված է հաղորդագրության մեջ։
Նրանք նշել են, որ այս փաստաթուղթը պատասխան է 2022 թվականի հունվարի 28-ին անվտանգության անբաժանելիության վերաբերյալ ՌԴ ԱԳՆ ղեկավարի նամակին, որն ուղարկվել է մի շարք եվրոպական երկրների, ԱՄՆ-ին և Կանադային։
Հաղորդագրության բովանդակությունը չի հաղորդվում։
Հիշեցնենք, որ նախօրեին ԶԼՄ-ները գրում էին, որ Եվրամիությունը նամակ է ուղարկելու Ռուսաստանին՝ կոչ անելով կրճատել զորքերի թիվը Ուկրաինայի հետ սահմանի մոտ և նոր բանակցություններ վարել անվտանգության վերաբերյալ։
Ինչպես ավելի վաղ հաղորդվել է, ԱՄՆ-ը և ՆԱՏՕ-ն հունվարի 26-ին պատասխանել են Ռուսաստանի Դաշնությանը անվտանգության երաշխիքների վերաբերյալ։
Տաթև Ֆռանգյան
