10.10.2026 | 15:55
Հոկտեմբերի 13-ից Հայաստանում սպասվում է անձրև և ամպրոպ
Ես մշտապես քայլում եմ, մարդիկ մոտենում շնորհակալություն են հայտնում. Քերոբյան. ՏԵՍԱՆՅՈՒԹ
Տեսանյութեր
10.02.2022 | 13:03
«Եթե իրական պատկեր եք համարում այն պատկերը, որը ԶԼՄ-ներն են ստեղծում, ապա դա ոչ մի կապ չունի իրականության հետ»,- լրագրողների հետ զրույցում այս մասին նշեց Էկոնոմիկայի նախարար Վահան Քերոբյանը չհամաձայնելով դիտարկումներին, որ կառավարության նիստերի ժամանակ հասարակությանը հրամցվող տնտեսական ճոխ ցուցանիշները, աշխատատեղերի մասին պնդումները չեն համապատասխանում իրական պատկերին:
Էկոնոմիկայի նախարարն այս համատեքստում նաև Իլոն Մասկին մեջբերեց։ «Իլոն Մասկի վերջին թվիթերից մեկը տեսե՞լ եք։ Հնչում է այսպես՝ «Ինչո՞ւ է ավանդական մեդիան առանց հոգնելու ատելություն տարածում»։ Կարծում եմ, որ, բնականաբար, պետք է ԶԼՄ-ները նույնպես ջանքեր գործադրեն, որ թե՛ ատելության խոսքը քչացնեն, թե՛ նաև իրականության հետ ավելի մեծ կապ ունեցող տեղեկատվություն տան»,- նշեց նախարարը։
Նախարարը հավելեց, որ հաճախ է շփվում մարդկանց հետ, տեղյակ է նրանց կարծիքներից. «Ես շատ հաճախ մետրոյով գնում եմ, ամեն օր բավական երկար տարածություն ոտքով քայլում եմ։ Քաղաքացիները հարցեր են տալիս, շփվում են, շնորհակալություն են շատ հաճախ հայտնում»:
Մանրամասները՝ տեսանյութում:
