17.05.2026 | 11:17
«Ուժեղ Հայաստան»-ի աջակիցները խոչընդոտել են ՔՊ-ի նախընտրական քարոզչության բնականոն ընթացքը, 10 անձ ձերբակալվել է. ՔԿ
Թուրքիայից եկող ազդակները դրական ընկալելու համար պիտի ՔՊ-ից լինես․ Հայկ Մամիջանյան. ՏԵՍԱՆՅՈՒԹ
Քաղաքականություն
10.02.2022 | 12:10
«Ամռանը և աշնանը Թուրքիայի նախագահը բազմիցս հայտարարել է, որ Հայաստան- Թուրքիա հարաբերությունների վերականգնման համար նախորդիվ հրապարակած նախապայմաններն ուժի մեջ են»,- խորհրդարանական ճեպազրույցի ժամանակ նշեց «Պատիվ ունեմ» խմբակցության քարտուղար Հայկ Մամիջանյանը՝ անդրադառնալով հարցին, թե կարո՞ղ է թվարկել Թուրքիայից եկող դրական ազդակներ, որոնց մասին հայտարարում են ՀՀ իշխանությունները:
«Դրանց ավելացել է միջանցքային տրամաբանության շրջանակում ցամաքային կապի տրամադրումը Ադրբեջանին և Նախիջևանին, որից հետո Թուրքիայի փոխնախագահը հայտարարել է, որ Թուրքիայի հատուկ ջոկատայինները ակտիվորեն ներգրավված են եղել 44-օրյա պատերազմում: Դրանից հետո Չավուշօղլուն հայտարարել է, որ օդային կապի վերականգնման համար իրենք խորհրդակցել են Ադրբեջանի հետ և հետագայում խորհրդակցելու են իրենց եղբայրական Ադրբեջանի հետ»,- նշեց Մամիջանյանը:
Ընդդիմադիր պատգամավորի խոսքով՝ այդ ամենը դրական ազդակ որակելու համար պետք է ՔՊ-ական լինել:
«Փաշինյանը որևէ երկրից դրական ազդակ ստանալու մասին է խոսում, բայց ականատես ենք լինում հողային ու մարդկային կորուստների: Սարսափում եմ պատկերացնել՝ ինչ է լինելու այս ազդակների վերջը»,- ասաց Մամիջանյանը:
Ինչ վերաբերում է Նիկոլ Փաշինյանի հայտարարությանը, թե տարածաշրջանում խաղաղություն հաստատելը եղել է բոլոր կառավարությունների օրակարգում, արդյոք ՀՀԿ-ն ապրիլյան պատերազմից հետո պատրաստվում էր Ադրբեջանի ու Թուրքիայի հետ խաղաղության դարաշրջան բացել, ՀՀԿ երիտթևի նախագահ Հայկ Մամիջանյանն ասաց. «Միայն խենթերը կարող են խաղաղություն չուզենալ, բայց խաղաղությունն ունի արժեք, և ինձ համար անհասկանալի է՝ ո՞վ ավելի լավ կպատկերացնի խաղաղության գինն ու արժեքը: Մարդիկ, ովքեր կերտել են առաջին և երկրորդ պատերազմների հաղթանակը, եղել են գերագույն հրամանար, թե՞ Նիկոլ Փաշինյանը, որ մայիսին մասնակցում էր ապրիլյան պատերազմին… Բոլորս ենք ուզում խաղաղություն, բայց արժանապատիվ, այլ ոչ թե խաղաղություն, որը մուրում են»:
Մանրամասները՝ տեսանյութում:
