09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Քարտեզների վերադարձը հեշտացնում է Արցախի օկուպացված հատվածներում ադրբեջանցիների գործունեությունը. ՏԵՍԱՆՅՈՒԹ
Քաղաքականություն
10.02.2022 | 12:06
Ադրբեջանը գերիների, անհետ կորածների, մարմինների վերադարձի հարցն ակնհայտորեն քաղաքական շահարկման առարկա է դարձրել և փորձել է Հայաստանից զիջումներ կորզել, այդ թվում՝ ականապատ տարածքների քարտեզները։ Ու որքան էլ Փաշինյանը դա փորձում է բարի կամքի դրսևորում ներկայացնել, իրականում դա եղել է քաղաքական գործարքի դիմաց։ Անդրադառնալով գերիների վերադարձի մասին երեկ ԱԺ-ում Փաշինյանի հնչեցրած հայտարարություններին՝ լրագրողների հետ ճեպազրույցում այսօր այս մասին ասաց «Պատիվ ունեմ» խմբակցության պատգամավոր Տիգրան Աբրահամյանը։
Այդ քարտեզները, որպես բարի կամքի դրսևորում ներկայացնելու Փաշինյանի ջանքերը, Աբրահամյանի գնահատմամբ, իրական չեն. «Դա եղել է քաղաքական գործարքի արդյունքում և , ըստ էության, քարտեզների վերադարձը հեշտացնում է Արցախի օկուպացված հատվածում Ադրբեջանի գործունեությունը, ենթակառուցվածքներ հիմնումը՝ քաղաքացռական և ռազմական»:
Աբրահամյանը նաև հույս հայտնեց, որ գերությունից վերադարձած մեր զինծառայողները, որոնք Ադրբեջանում զանազան կտտանքների ու խոշտանգումների են ենթարկվել, ՀՀ-ում ևս քրեակատարողական հիմնարկներում չեն հայտնվի։
Մանրամասները՝ տեսանյութում:
