10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Արևմուտքի «մեգաֆոնային դիվանագիտությունը» վնասում է Ուկրաինային․ Չավուշօղլու
Քաղաքականություն
10.02.2022 | 17:54
Ուկրաինայում Ռուսաստանի մոտալուտ ագրեսիայի մասին պնդումների շուրջ Արևմուտքի կողմից բորբոքված ոգևորությունը հարվածում է Ուկրաինային, ներառյալ այս երկրի տնտեսությանը: Այս կարգի «մեգաֆոնային դիվանագիտությունը» չի նվազեցնում լարվածության մակարդակը տարածաշրջանում և հեռու է իրականությունից։ Այս մասին TRT Haber հեռուստաալիքի եթերում հայտարարել է Թուրքիայի արտգործնախարար Մևլութ Չավուշօղլուն, գրում է Անադոլու գործակալությունը։ Արեւմուտքի «մեգաֆոնային դիվանագիտությունը» վնասում է Ուկրաինային։
Նրա խոսքով, Թուրքիան իր միջնորդական ջանքերում գիտակցում է, որ խնդրի արագ լուծում չի լինի։
«Միևնույն ժամանակ, այս փուլում կարևոր են քայլերը էսկալացիայի մակարդակը նվազեցնելու և վստահության մթնոլորտ ստեղծելու համար։ Իրավիճակն այնքան սարսափելի չէ, որքան պատկերում են Արևմուտքում, բայց նաև լուրջ է»,- ընդգծեց նա։
Թուրք նախարարը նշել է, որ Անկարայի դիրքորոշումը չափազանց բաց և հստակ է. «Թուրքիան, որպես լավ հարաբերություններ ունեցող երկիր թե՛ Ուկրաինայի, թե՛ Ռուսաստանի հետ, դեմ է առճակատման նոր փուլին մի տարածաշրջանում, որտեղ արդեն իսկ շատ հակամարտություններ կան։ Մենք քայլեր ենք ձեռնարկում իրավիճակը լիցքաթափելու համար. կողմերի հետ շփումները շարունակվում են։ Այս շփումներից մի քանիսի մասին հանրությունը տեղեկացված է։ Դիվանագիտական խողովակներով ջանքեր են գործադրվում»։
Չավուշօղլուն հիշեցրել է Թուրքիայի նախագահ Ռեջեփ Թայիփ Էրդողանի վերջին այցը Կիև։
«Նախ պետք է նվազեցնել լարվածության ինտենսիվությունը, ապա քայլեր ձեռնարկել երկարաժամկետ կայունություն ապահովելու համար»,- ասել է թուրք նախարարը։
Տաթև Ֆռանգյան
