05.03.2026 | 22:25
Հրաձգության Հայաստանի հավաքականը 4-րդն է Եվրոպայի առաջնության մեդալային հաշվարկում
Զերծ մնալ զանգվածային միջոցառումներին դեռահասներին մասնակից դարձնելու փորձերից. ԿԳՆ
Հասարակություն
18.04.2018 | 13:21
Նկատի ունենալով վերջին օրերին տեղի ունեցող իրադարձություններին դպրոցահասակ երեխաների և դեռահասների ներգրավման հրապարակային կոչերը՝ ՀՀ կրթության և գիտության նախարարությունը հորդորում է քաղաքական ուժերին, հասարակական նախաձեռնություններին և անհատներին զերծ մնալ զանգվածային միջոցառումներին դեռահասներին մասնակից դարձնելու փորձերից. տեղեկացնում է ՀՀ ԿԳՆ-ն:
Միաժամանակ, կոչ ենք անում ծնողներին, հաշվի առնելով դպրոցահասակների անվտանգության խնդիրը և տարիքային առանձնահատկություններին բնորոշ զգացմունքայնությունը, դրսևորել հետևողականություն և, համագործակցելով ուսումնական հաստատությունների հետ, բացառել սովորողների անուշադրության տիրույթում հայտնվելու հնարավորությունը»,-ասվում է հայտարարությունում։
Հիշեցնենք, որ «Իմ քայլը» շարժման նախաձեռնությամբ և ԱԺ պատգամավոր Նիկոլ Փաշինյանի գլխավորությամբ Երևանում ընթանում են հանրահավաքներ՝ ընդդեմ ՀՀ երրորդ նախագահ Սերժ Սարգսյանի վարչապետության, ով Ազգային ժողովի հատուկ նիստում 77 կողմ, 17 դեմ ձայների համամասնությամբ ՀՀ վարչապետ է ընտրվել։
