29.03.2026 | 22:16
Հրդեհ ավտոմեքենայում․ տուժածներ չկան
Ադրբեջանում Իրանի դեսպանը հայտարարել է, որ Թեհրանի ու Բաքվի միջև կնքվելու է արտոնյալ առևտրային համաձայնագիր
Քաղաքականություն
09.02.2022 | 21:40
Իրանը հույս ունի Ադրբեջանի հետ արտոնյալ առևտրի վերաբերյալ համաձայնագիր ստորագրել։ Այս մասին հայտարարել է Բաքվում Իրանի դեսպան Սեյիդ Աբբաս Մուսավին, գրում են ադրբեջանական լրատվամիջոցները։
«2021-ին Իրանի ու Ադրբեջանի միջև առևտրաշրջանառությունն ավելացել է ավելի քան 30 տոկոսով՝ 2020թ․ հետ համեմատ։ Առևտրային կապերը հասել են ամենաբարձր մակարդակին»,-ասել է Մուսավին։
Դեսպանը նաև նշել է, որ 2021-ին 11 տոկոսով աճել է Ադրբեջանից Իրան ոչ նավթային արտահանումը։ Մուսավին նաև հույս հայտնել, որ շուտով Ադրբեջանի ու Իրանի միջև արտոնյալ առևտրի մասին համաձայնագիրը կստորագրվի։
«Հուսով ենք, որ ապագայում երկու երկրների միջև կստորագրվի արտոնյալ առևտրի մասին համաձայնագիը և այս տարի հերթական տնտեսական համագործակցության իրանա-ադրբեջանական համատեղ հանձնաժողովի 15-րդ նիստի անցկացմամբ՝երկկողմ տնտեսական ու առևտրային համագործակցության հետագա զարգացման նպատակով»,-ասել է դիվանագետը՝ նշելով, որ Բաքուն ու Թեհրանը կարևոր դերակատարում ունեն համաշխարհային տարանցիկ փոխադրումների և էներգակիրների մատակարարման գործում։
Մուսավին հայտարարել է, որ այսօր Իրանի ու Ադրբեջանի հարաբերությունները հասել են աննախադեպ բարձր մակարդակի։
«Այսօր ես տեսնում եմ, որ Թեհրանի ու Բաքվի միջև հարաբերությունները աննախադեպ բարձր մակարդակի վրա են։ Բազմաթիվ երկկողմ համաձայնագրերը ու ծրագրերը տարբեր ոլորտներում, ներառյալ՝ տնտեսությունը, առևտուրը, արդյունաբերությունը, գյուղատնտեսությունը, կրթությունն ու տուրիզմը նաև Հյուսիս-Հարավ տրանսպորտային միջանցքը, որը ունի սկզբունքային նշանակություն ողջ տարածաշրջանի համար»,-ասել է Իրանի դեսպանը։
Էմմա Չոբանյան
