24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
ԵՄ երկրների դեսպանները ՌԴ-ի դեմ նոր պատժամիջոցներ են համաձայնեցրել
Քաղաքականություն
09.02.2022 | 23:27
Չորեքշաբթի օրը ԵՄ 27 երկրների դեսպանները պայմանավորվել են Ղրիմում Ռուսաստանի Դաշնության Պետդումայի ընտրությունները կազմակերպելու համար ԵՄ-ի սև ցուցակում ավելացնել ևս հինգ հոգու: Այս մասին չորեքշաբթի ՏԱՍՍ-ին հայտնել է Բրյուսելում սեփական դիվանագիտական աղբյուրը։
«Դեսպանները հավանություն են տվել Ղրիմում Ռուսաստանի խորհրդարանի ընտրությունների անցկացման հետ կապ ունեցող ևս հինգ անձանց պատժամիջոցների ցուցակում ավելացնելուն՝ գործողությունների համար, որոնք խաթարում կամ սպառնում են Ուկրաինայի տարածքային ամբողջականությանը, ինքնիշխանությանը և անկախությանը», – ասել է գործակալության աղբյուրը։
Սպասվում է, որ այս որոշումը պաշտոնապես կհաստատվի ԵՄ խորհրդի կողմից հաջորդ շաբաթ։
Իր հերթին ԵՄ արտաքին ծառայության պաշտոնական ներկայացուցիչ Փիթեր Ստանոն հրաժարվել է մեկնաբանել այս թեման։
«Ինչպես միշտ, մենք չենք մեկնաբանում պատժամիջոցների շուրջ ընթացող քննարկումները մինչև ԵՄ Խորհրդի վերջնական հաստատումը։ Դրանից հետո պատժամիջոցները կհրապարակվեն ԵՄ պաշտոնական ամսագրում, միայն դրանից հետո մենք կարող ենք հրապարակայնորեն մեկնաբանել դրանք»,- ասել է նա։
Տաթև Ֆռանգյան
