12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Պապիկյանը խոստացավ զբաղվել պատերազմից հետո հաշմանդամության կարգ չունեցող անձանց խնդրով. ՏԵՍԱՆՅՈՒԹ
Հասարակություն
09.02.2022 | 17:55
ՀՀ պաշտպանության նախարար Սուրեն Պապիկյանը խորհրդարանում կառավարության հետ հարցուպատասխանի ժամանակ, պատասխանելով «Հայաստան» խմբակցության պատգամավոր Թադևոս Ավետիսյանի հարցին, խոստացավ զբաղվել պատերազմում վիրավորված, սակայն հաշմանդամության կարգ չունեցող անձանց խնդիրներով:
Պատգամավորը ներկայացրեց մի իրավիճակ, որին ականատես է եղել վերջերս մարզային այցելությունների ժամանակ Արարատի մարզում, սակայն շեշտեց, որ խնդիրը համակարգային է։
Պապիկյանն ասաց, որ այդ խնդրով կզբաղվեն, որպեսզի հասկանան, թե ինչ պատճառով վիրավորում ստացած զինծառայողը հաշմանդամության կարգ չի ստացել։ Նախարարի խոսքով` հնարավոր է վնասվածքը փոքր է կամ այնպիսին է, որ բժշկական միջամտությամբ հնարավոր կլինի արագ չեզոքացնել։
«Անձամբ կզբաղվեմ դրանով։ Իսկ եթե հարցը համարում եք համակարգային, այսինքն` այն անձինք, որոնք խնդիրներ ունեն ու հաշմանդամության կարգ չունեն, կարող ենք միասին զբաղվել սրանով ու լուծում գտնել։ Չեմ կարծում, որ անլուծելի հարցեր են, ՀՀ պաշտպանության նախարարը իրավասու է նաև անհատական որոշումներ ընդունել»,- նշեց Պապիկյանը։
Մանրամասները՝ տեսանյութում:
