17.01.2026 | 18:34
Մահացել է դերասանուհի Զառա Արամյանը
Ճանապարհների ապաշրջափակման նախագիծն անվանում ենք «Հայկական խաչմերուկ»․ Փաշինյան. ՏԵՍԱՆՅՈՒԹ
Քաղաքականություն
09.02.2022 | 17:31
«Ավտոճանապարհների ապաշրջափակման և երկաթուղիների շահագործման նախագիծը մենք անվանում ենք «Հայկական խաչմերուկ», որովհետև մենք, ըստ էության, այստեղ գործ ունենք հյուսիս-հարավ-արևելք-արևմուտք խաչմերուկի հետ, և այդ խաչմերուկի գործարկումը կարող է շրջադարձային կետ լինել Հայաստանի տնտեսության զարգացման և, ընդհանրապես ,Հայաստանի ֆինանսատնտեսական կարողությունների հզորացման առումով»,- այս մասին ԱԺ-Կառավարություն հարցուպատասխանի ժամանակ, պատասխանելով ԱԺ «Քաղաքացիական պայմանագիր» խմբակցության պատգամավոր Գևորգ Պապոյանի հարցին, ասաց ՀՀ վարչապետ Նիկոլ Փաշինյանը:
Վարչապետը հիշեցրեց, որ 2021 թ. դեկտեմբերի 15-ին Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի հետ ունեցած եռակողմ հանդիպումից հետո ինքը հայատարել է այն մասին, որ Հայաստանի և Ադրբեջանի ղեկավարների մակարդակով ձեռք է բերվել պայմանավորվածություն Երասխ-Ջուլֆա-Օրդուբադ-Մեղրի-Հորադիզ երկաթուղու կառուցման, վերականգնման մասին, և վերադառնալուց անմիջապես հետո տվել է համապատասխան հանձնարարականներ, և նաև աշխատանքային խումբ է ձևավորել, որն արդեն զբաղվում է երկաթուղու կառուցման աշխատանքները կազմակերպելու գործով, և նաև վերջերս փոխվարչապետ Մհեր Գրիգորյանը Երևանում հանդիպում է ունեցել եռակողմ աշխատանքային խմբի ՌԴ համանախագահ Ալեքսեյ Օվերչուկի և «Ռուսական երկաթուղիներ» ընկերության ղեկավար Օլեգ Բելոզյորովի հետ, քանի որ այժմ քննարկվում են տեխնիկական առաջադրանքի ձևակերպման, նախագծման և ֆինասավորման ու կառուցման աշխատանքները:
«Այս ընթացքում կա նաև մի կարևոր գործողություն, որն անհրաժեշտ է կատարել. Բրյուսելում ձեռք բերված պայմանավորվածությունը երկկողմ կամ եռակողմ ֆորմատով դե յուրե պետք է դառնա պայմանավորվածություն, թղթին արձագանագրվի և ստորագրվի, և, եթե անհրաժեշտություն լինի՝ խորհրդարանում վավերացվի: Սա կարևոր նյուանս է»,- ասաց վարչապետը:
Ինչ վերաբերում է ճանապարհների ապաշրջափակմանը, վարչապետը նշեց. «Դրանց հետ կապված մենք ձևակերպել ենք առաջարկներ, այդ առաջարկները փոխանցել ենք ադրբեջանական կողմին, ՌԴ, միջազգային մեր գործընկերներին, և Ադրբեջանի կողմից դրական արձագանք ստանալուն պես մենք պատրաստ ենք իրագործել նաև ավտոտրանսպորտային երթուղիների վերականգնման, կառուցման գործընթացը»:
