13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ՀՀ-ն կարող է հույսը դնել ՀԱՊԿ-ի անհրաժեշտ օգնության վրա, եթե կա իրավիճակի փաստարկված բնութագրում․ ՌԴ փոխարտգործնախարար
Քաղաքականություն
09.02.2022 | 18:47
Հայաստանը Հավաքական անվտանգության պայմանագրի կազմակերպությանը դիմելիս կարող է հույս դնել անհրաժեշտ աջակցության վրա։ Այս մասին հայտարարել է Ռուսաստանի փոխարտգործնախարար Ալեքսանդր Պանկինը` ելույթ ունենալով «Հավաքական անվտանգությունը նոր դարաշրջանում. ՀԱՊԿ-ի փորձն ու հեռանկարները» խորհրդաժողովում՝ Վալդայ միջազգային քննարկման ակումբի շրջանակներում, գրում է Սպուտնիկը։
Նրա խոսքով՝ երբ կա կրիտիկական իրավիճակ և «իրավիճակի փաստարկված բնութագրում», ինչպես դա եղավ Ղազախստանում, կարելի է նույնքան արագ արձագանքել դաշնակցի պաշտոնական կոչին։
«Դաշնակցային պարտավորությունները կկատարվեն։ Թե ինչ ու ինչ ծավալով է պահանջվելու, որ տարածքում, այլ հարց է»,- ասել է նա։
Պանկինը հավելել է, որ դաշնակիցների և մեկ այլ հարևանի միջև հավասար հեռավորության մասին խոսք լինել չի կարող։ Նրա խոսքով՝ դաշնակիցները միշտ ավելի մոտ են, քան բոլորը։
Նման տեսակետ է հայտնել նաևՀԱՊԿ գլխավոր քարտուղար Ստանիսլավ Զասը։ Նրա խոսքով՝ ինքը չի կասկածում, որ եթե լինի պատճառ և Հայաստանի կողմից ՀԱՊԿ-ից օգնության պաշտոնական խնդրանք, այն կտրամադրվի։
Զասը հավելել է, որ եթե նման վստահության ըմբռնում չլինի, ապա կազմակերպությունը «ուղղակի չի լինի»։
Տաթև Ֆռանգյան
