06.10.2026 | 17:14
Նովակ Ջոկովիչը տիտղոս նվաճեց մի մրցաշարում, որտեղ երբեք չի պարտվել. ՏԵՍԱՆՅՈՒԹ
Ադրբեջանին է փոխանցվել Արցախյան պատերազմից մնացած 108 մարմին, ևս 2-ը առաջիկայում կփոխանցվի․ Փաշինյան. ՏԵՍԱՆՅՈՒԹ
Քաղաքականություն
09.02.2022 | 17:06
Ազգային ժողով-Կառավարություն հարցուպատասխանի ընթացքում ԱԺ «Քաղաքացիական պայմանագիր» խմբակցությասն պատգամավոր Արուսյակ Ջուլհակյանը ՀՀ վարչապետ Նիկոլ Փաշինյանին հարց ուղղեց Ֆրանսիայի նախագահ Էմանուել Մակրոնի և Շառլ Միշելի միջնորդությամբ և մասնակցությամբ Ադրբեջանի նախագահի հետ իր հեռավար հանդիպման մասին, մասնավորապես՝ ի՞նչ հարցեր են քննարկվել, և արդյո՞ք պայմանավորվածություններ են ձեռք բերվել գերիների և անհետ կորածների խնդրի լուծման վերաբերյալ:
«Քննարկվող կարևոր հարցերից մեկը եղել է հումանիտար հարցերի լուծումը: Դուք գիտեք, որ այդ հանդիպումից հետո 8 հայ գերի վերադարձավ հայրենիք:
Ուզում եմ իմ գնահատանքի խոսքը հնչեցնել Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի գործադրած ջանքերի առիթով:
Մենք խոսել ենք և՛ առաջին պատերազմում անհետ կորածանձանց ճակատագրի մասին, և՛ 44-օրյա պատերազմում անհետ կորածների ճակատագրի մասին: Ադրբեջանն անընդհատ խոսում է Արցախյան առաջին պատերազմում շուրջ 4 հազար անհետ կորածների մասին, բայց հայկական կողմը ևս ունի անհետ կորածները. 777 անհետ կորածներ ունենք։
Փորձ է արվում ներկայացվել, որ հայկական կողմը քայլեր չի ձեռնարկվել, բայց վերջին մեկ տարվա ընթացքում Ադրբեջանին է փոխանցվել առաջին Արցախյան պատերազմից անհետ կորած համարվող 108 մարդու մարմին։ Առաջիկա օրերին ևս 2 մարմին կփոխանցենք»,- հայտարարեց Փաշինյանը:
Վարչապետի խոսքով՝ այս գործընթացը սկսվել է դեռևս 2020 թ.-ի սկզբից։ Նա հավելեց, որ ակնկալում է, որ ոչ միայն առաջին պատերազմում, այլև 44-օրյա պատերազմում անհետ կորածների ճակատագրի պարզման հարցում կհաջողվի համագործակցություն հաստատել: «44-օրյա պատերազմից հետո մենք ունենք գտնվելու վայրը անհայտ համարվող 217 անձ»,- նշեց Փաշինյանը:
Մանրամասները՝ տեսանյութում:
