15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Թուրքիան չի կատարել Իդլիբի վերաբերյալ պայմանավորվածությունների մի մասը․ Սիրիայում ՌԴ դեսպան
Քաղաքականություն
09.02.2022 | 22:11
Թուրքիան դեռևս չի կատարել սիրիական Իդլիբի և մասնավորապես M-4 (Հալեպ-Լաթաքիա) մայրուղու վերաբերյալ Անկարայի և Մոսկվայի միջև ձեռք բերված պայմանավորվածությունների շրջանակում ստանձնած որոշ պարտավորություններ, «ՌԻԱ Նովոստի»-ին տված հարցազրույցում ասել է Սիրիայում Ռուսաստանի դեսպան Ալեքսանդր Եֆիմովը։
«Ձեռք բերված որոշ փոխըմբռնումներ, այդ թվում՝ M-4 մայրուղու հետ կապված, հակառակ կողմի կողմից ամբողջությամբ չեն իրականացվել: Համապատասխան աշխատանքը թուրք գործընկերների հետ շարունակվում է տարբեր մակարդակներում և տարբեր գերատեսչությունների միջոցով», – ասել է Եֆիմովը:
Միևնույն ժամանակ, ՌԴ դիվանագիտական առաքելության ղեկավարը նշել է, որ 2020 թվականի մարտին Մոսկվայում ամենաբարձր մակարդակով ձեռք բերված ռուս-թուրքական պայմանավորվածությունները Իդլիբի վերաբերյալ հնարավորություն են տվել ապահովել սիրիական բանակի կողմից անկլավի զգալի մասի ազատագրումը՝ Ռուսաստանի օդատիեզերական ուժերի աջակցությամբ։
Տաթև Ֆռանգյան
