17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Իրանը 1450 կմ հեռահարությամբ հրթիռ է մշակել
Քաղաքականություն
09.02.2022 | 22:23
Իրանում Իսլամական հեղափոխության պահապանների կորպուսը (ԻՀՊԿ) փետրվարի 9-ին ներկայացրել է նոր բալիստիկ «Խաբիր Շեկան» (ամրոց կործանիչ) հրթիռը, որի հեռահարությունը 1450 կիլոմետր է, հայտնում է Tasnim-ը։
«Ներկայացվել են Իսլամական հեղափոխության պահապանների կորպուսի երրորդ սերնդի հրթիռները՝ 1450 կիլոմետր հեռահարությամբ»,- ասվում է հաղորդագրության մեջ։
Նշվում է, որ հրթիռն ունի բարձր մանևրելու հնարավորություն՝ հաղթահարելու հակառակորդի հակահրթիռային պաշտպանությունը։
Նշվում է նաև, որ փոփոխված դիզայնը թույլ է տվել դրա քաշը մեկ երրորդով նվազեցնել՝ համեմատ նմանատիպ հրթիռների, իսկ արձակման նախապատրաստման ժամանակը կրճատվել է 6 անգամ՝ սովորականների համեմատ։
Հիշեցնենք, որ դեկտեմբերի վերջին Իրանը բալիստիկ հրթիռներ էր փորձարկել։ Իսլամական հեղափոխության պահապանների կորպուսը հայտարարել է, որ զորավարժությունները «ամենալուրջ նախազգուշացումն են սիոնիստական ռեժիմի ներկայացուցիչներին»:
Տաթև Ֆռանգյան
