18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Աբխազիան դիմել է ՄԱԿ-ում դիտորդ-պետության կարգավիճակ ստանալու համար
Քաղաքականություն
09.02.2022 | 16:48
Աբխազիայի Հանրապետությունը ՄԱԿ-ի գլխավոր քարտուղար Անտոնիո Գուտերեշին կոչ է անում իրեն շնորհել ՄԱԿ-ում դիտորդ-պետության կարգավիճակ։ Աբխազիայի արտաքին գործերի նախարար Ինալ Արձինբան Գուտերեշին ուղղված համապատասխան կոչը փոխանցել է ՄԱԿ-ի ասոցիացիաների համաշխարհային ֆեդերացիայի փոխնախագահ, ՄԱԿ-ի ռուսական ասոցիացիայի նախագահի առաջին տեղակալ Ալեքսեյ Բորիսովին չորեքշաբթի օրը Մոսկվայում կայացած հանդիպման ժամանակ, հայտնել է Աբխազիայի արտաքին գործերի նախարարության մամուլի ծառայությունը, գրում է ՏԱՍՍ-ը։
Արձինբան երեքշաբթի աշխատանքային այցով եղել է Մոսկվայում։
«Ռուսաստանի Դաշնությունում Աբխազիայի Հանրապետության դեսպանատանը տեղի է ունեցել Ինալ Արձինբայի և Ալեքսեյ Բորիսովի հանդիպումը: Հանդիպման ընթացքում Արձինբան Բորիսովին է փոխանցել ՄԱԿ-ի գլխավոր քարտուղար Անտոնիո Գուտերեշին ուղղված կոչը, որում Աբխազիայի արտգործնախարարը կոչ է անում Աբխազիայի Հանրապետությանը տրամադրել դիտորդ-պետության կարգավիճակ ՄԱԿ-ում, ինչը թույլ է տալիս մասնակցել ՄԱԿ-ի Գլխավոր ասամբլեայի քննարկումներին»,- ասված է հաղորդագրության մեջ։
Տաթև Ֆռանգյան
