17.01.2026 | 18:34
Մահացել է դերասանուհի Զառա Արամյանը
ՔՊ կին պատգամավորները թիրախավորվում են․ Վահագն Ալեքսանյանը կոռեկտության կոչ արեց. ՏԵՍԱՆՅՈՒԹ
Քաղաքականություն
09.02.2022 | 15:32
«Ուզում եմ խոսել վերջին երկու օրերին տեղի ունեցող մի շատ զազրելի բանի մասին, որն է «Քաղաքացիական պայմանագիր» խմբակցության կին պատգամավորների թիրախավորումը՝ ընդդիմադիր գործիչների կամ գործիքների կողմից»,- ԱԺ ամբիոնից ասաց ՔՊ-ական պատգամավոր Վահագն Ալեքսանյանը։
«Ափսոս, պարոն Մամիջանյանն անձամբ այստեղ չէ, որովհետեւ երբ երեկ այս ամբիոնից «Քաղաքացիական պայմանագիր» խմբակցության պատգամավորներ Ջուլհակյանը, Դավոյանը, Պալյանը պարոն Մամիջանյանին, չանցնելով բարեկրթության սահմանները, զուտ քաղաքական ելույթներով փորձում էին բացատրել՝ քո քվեարկությունը, հարգելի՛ գործընկեր, առնվազն մեզ համար անընդունելի է, ի պատասխան պարոն Մամիջանյանի կուսակցության փոխնախագահը` նույն ինքը Հայոց բանակի ժամանակի ողնաշարը և ամենապայծառ գլուխը`փոխգնդապետ Արմեն Աշոտյանը, ով առանց բանակում ծառայելու ստացել էր փոխգնդապետի կոչում, մեր կին պատգամավորներից ոմանց անվանել է մտավոր պիգմեյ, ամազոնուհի»,- նշեց Ալեքսանյանը:
Ալեքսանյանը հավելեց, որ չէր անդրադառնա այս թեմային, եթե այդ բառերը հավանություն ստացած չլինեին պատգամավոր Հայկ Մամիջանյանի կողմից: Պատգամավորը կոռեկտության կոչ արեց:
Մանրամասները՝ տեսանյութում:
