16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Ստոլտենբերգը կողմ է արտահայտվել Ուկրաինային և Վրաստանին ՆԱՏՕ-ի գագաթնաժողովին հրավիրելուն
Քաղաքականություն
09.02.2022 | 22:44
ՆԱՏՕ-ի գլխավոր քարտուղար Յենս Ստոլտենբերգը կողմ է արտահայտվել Ուկրաինայի և Վրաստանի առաջնորդներին Դաշինքի հաջորդ գագաթնաժողովին հրավիրելու օգտին, որը նախատեսված է հունիսին։ Համապատասխան հայտարարությունը Ստոլտենբերգն արել է Vanguardia թերթին տված հարցազրույցում, գրում է Korrespondent-ը։
«Կարծում եմ, որ դա լավ վայր է գործընկերների հետ հանդիպելու համար, բայց կարծում եմ, որ մենք պետք է որոշենք կոնկրետ ձեւաչափը», – ասել է նա։
Հունիսի 29-30-ը Մադրիդում տեղի կունենա ՆԱՏՕ-ի՝ պետությունների և կառավարությունների ղեկավարների մակարդակով հաջորդ հանդիպումը ։ Դրա մասնակիցները կընդունեն նոր ռազմավարական հայեցակարգ, կդիտարկեն Դաշինքի ամրապնդման հարցերը և կլիմայի գլոբալ փոփոխության հետևանքները անվտանգության ոլորտում։
Հիշեցնենք, որ մի քանի օր առաջ Լեհաստանի նախագահ Անջեյ Դուդան առաջարկել էր ՆԱՏՕ-Ուկրաինա բանակցություններ վարել։ Դաշինքը պետք է ցույց տա, որ Ուկրաինան և Վրաստանը չեն թողնվել բախտի ողորմությանը, կարծում է Լեհաստանի ղեկավարը։
Իսկ հունվարին նախագահ Վլադիմիր Զելենսկին ՆԱՏՕ-ի գլխավոր քարտուղար Յենս Ստոլտենբերգի հետ քննարկել է Ուկրաինայի հնարավոր մասնակցությունը հունիսին կայանալիք ՆԱՏՕ-ի գագաթնաժողովին։
Տաթև Ֆռանգյան
