18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Պահեստազորայինների նոր հավաք․ ովքեր են ընդգրկված ցանկում այս անգամ. ՏԵՍԱՆՅՈՒԹ
Քաղաքականություն
09.02.2022 | 13:20
Հայաստանում կանցկացվի Զինված ուժերի պահեստազորի հավաքի երրորդ փուլ՝ ապրիլի 15-ից հունիսի 15-ը։ Պաշտպանության նախարարությունն այսօր շրջանառության մեջ դրել է նախագիծ, որով առաջարկում է վարժական հավաքներին ներգրավել մինչև 724 քաղաքացու, որոնցից 566–ը` կրտսեր ենթասպայական և շարքային կազմերի, 30-ը` ավագ ենթասպայական կազմի, 128-ը` սպայական կազմի պահեստազորայիններ:
Նախագծի համաձայն՝ վարժական հավաքներին կներգրավվեն. մոտոհրաձգային մասնագիտություններով մինչև 72 պահեստազորային, հրթիռա-հրետանային՝ մինչև 469, հետախուզական՝ մինչև 32 պահեստազորային, ինժեներական՝ մինչև 31, տեխնիկական մինչև 73 և թիկունքային մասնագիտություններով՝ մինչև 47 պահեստազորայիններ։
Ըստ գերատեսչության՝ նախագծի նպատակն է զորքերը համալրել ավելի պատրաստված և անհրաժեշտ զինվորական հաշվառման մասնագիտություն ունեցող պահեստազորայիններով, ինչպես նաև պահեստազորում հաշվառված քաղաքացիների մասնագիտական պատրաստվածության որակը բարձրացնել` պահեստազորում կուտակելով համապատասխան զինվորական հաշվառման մասնագիտություն ունեցող պահեստազորայինների:
Մանրամասները՝ տեսանյութում։
Ռոզա Վարդանյան
