16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Շվեդիան չեղարկել է կորոնավիրուսային բոլոր սահմանափակումները
Քաղաքականություն
09.02.2022 | 15:43
Շվեդիան Դանիայից, Նորվեգիայից և Մեծ Բրիտանիայից հետո դարձավ եվրոպական 4-րդ երկիրը, որը վերացնում է երկրի ներսում կորոնավիրուսի հետ կապված գրեթե բոլոր սահմանափակումները, գրում է BBC-ի ռուսական ծառայությունը։
Շվեդիան հանում է նաև ԵՄ բոլոր երկրների և Եվրոպական տնտեսական տարածքի քաղաքացիների մուտքի սահմանափակումները, ուժի մեջ են մնում միայն չպատվաստվածների՝ մարդաշատ վայրերում չգտնվելու, իսկ վարակվածների՝ տանը մնալու կարգավորումները։
Թեև Շվեդիայում կորոնավիրուսով վարակման դեպքերի ցուցանիշը դեռևս շատ բարձր է, սակայն ծանր դեպքերի և մահերի թիվը նվազում է, իսկ կառավարությունը անցյալ շաբաթ հայտարարել է, որ կորոնավիրուսն այլևս չպետք է հասարակության համար վտանգ համարվի, և պետք է սովորել հաղթահարել այն առանց արտակարգ միջոցառումների։ Շվեդիայում բնակչության 74%-ը լիովին պատվաստված է։
Տաթև Ֆռանգյան
