27.10.2026 | 00:08
Վարդան Մինասյանն աշխատանքի է անցել Լիբանանում
«Հասկացանք, որ Ձեր ծնունդն է»․ Գեղամ Մանուկյանը զրկվեց 1 նիստում ելույթ ունենալու իրավունքից. ՏԵՍԱՆՅՈՒԹ
Քաղաքականություն
09.02.2022 | 10:40
«Ճիշտ եք, ամեն ինչ վերջ ունի։ Կոռուպցիայի դեմ պայքարում մեր քաղաքական թիմը առաջնորդվում է հենց դրանով՝ վերջ տալու այն երևույթներին, որով առաջնորդվում էին այս կողմում նստած մեր գործընկերները»,- ԱԺ-ում իր ելույթն այսպես սկսեց «Քաղաքացիական պայմանագիր» խմբակցության պատգամավոր Սոնա Ղազարյանը՝ դիմելով խորհրդարանական ընդդիմությանը։
«Ես երբեմն, որ լսում եմ ձեր ելույթներն, ինձ մոտ հարց է առաջանում՝ ո՞ր երկրի մասին եք խոսում դուք։ Որովհետև, երբ ես շփվում եմ մեր քաղաքացիների հետ և որ լույս են տեսնում տարբեր զեկույցներ Հայաստանի մասին, նրանք անգամ աղերս չունեն այն երևույթների հետ, որի մասին պարբերաբար խոսում են այս կողմում գտնվող մեր գործընկերները»,- ասաց պատգամավոր Սոնա Ղազարյանը անդրադառնալով ԵԽԽՎ ժողովրդավարության զեկույցում տեղ գտած դրույթներին, որին ընդդիմության ներկայացուցիչը դեմ քվերակեց։
Պատգամավորն ընդդիմադիր գործիչներին խորհուրդ տվեց վերադառնալ իր մատնանշած իրականություն՝ ընդգծելով, որ ընդդիմության ստեղծած իրականությունը ընտրությունների ժամանակ վերջիններիս լրիվ այլ տեղ է տարել։
Սոնա Ղազարյանի ելույթից հետո ընդդիմության որոշ գործիչներ աղմուկ բարձրացրին դահլիճում:
ԱԺ փոխխոսնակ Հակոբ Արշակյանը նկատողություն արեց «Հայաստան» խմբակցության պատգամավոր Գեղամ Մանուկյանին։
«Պարոն Մանուկյան, հասկացանք, որ ձեր ծնունդն է այսօր, բայց խնդրում եմ տեղից չարձագանքել»,- ասաց Հակոբ Արշակյանը: Մանուկյանը նախազգուշացում ստացավ:
Գեղամ Մանուկյանը շարունակեց տեղից արձագանքել նաև «Քաղաքացիական պայմանագիր» խմբակցության պատգամավոր Վահագն Ալեքսանյանի ելույթի ժամանակ և զրկվեց 1 նիստում ելույթ ունենալու իրավունքից:
Մանրամասները՝ տեսանյութում։
