Թշվառ բռնապետեր են Լուկաշենկոն և Պուտինը՝ «գազանը» վիրավոր է․ Միքայել Հայրապետյան․ ՏԵՍԱՆՅՈւԹ

Factor TV-ի հարցազրույցը Հայաստանի «Պահպանողական» կուսակցության նախագահ Միքայել Հայրապետյանի հետ․

-Պարո՛ն Հայրապետյան, նախօրեին Բելառուսի նախագահ Ալեքսանդր Լուկաշենկոն Կրեմլի խոսափող, լրագրող Սոլովյովի հետ հարցազրույցում, անդրադառնալով ԽՍՀՄ-ի վերակենդանացմանը՝ նոր միութենական պետություն ստեղծելու համատեքստում, ասել է․ «Հայաստանը փախչելու տեղ չունի… ինչ է, կարծում եք, նրանք ինչ-որ մեկին պե՞տք են… իրենք արդեն տեսել են, Նիկոլ Վովաևիչը դա արդեն տեսել է»։ Ինչպե՞ս եք գնահատում Լուկաշենկոյի այս արտահայտությունները, ի՞նչ նկատի ունի, երբ ասում է, թե Նիկոլ Փաշինյանն արդեն տեսել է՝ որևէ մեկին պետք չեն։

-Լուկաշենկոյին երևի պիտի շնորհակալ լինենք։ Նա մեկ անգամ ևս խոստովանեց, որ Արցախում կատարված ողբերգության հեղինակը հենց իրենք էին։ Իրենց կարծիքով՝ փախչելու տեղ չունենք։ Բայց տեսեք՝ եթե մենք մեզնից ուժ ներկայացնեինք․․․ ինչը ներկայացնում էինք առաջին նախագահի օրվանից մինչև պատերազմական վերջին դրությունը, բայց եկան ջարդեցին։ Ինչո՞ւ ջարդեցին, որպեսզի իրոք փախչելու տեղ չունենանք, իրե՛նց կարծիքով փախչելու տեղ չունենանք, հանձնվենք։ Մի անգամ լավ ծեծում են, կոտրում են, սա քրեական մտածողություն է։ Մենք ընտրության խնդիր ունենք՝ մենք որտե՞ղ ենք, մենք մեզ տեսնում ենք այս թշվառական բռնապետերի իսլամական ընտանիքո՞ւմ, թե՞ 2000 տարուց ի վեր մեր եղբայրների քաղաքակրթական ընտանիքում, ուր որոշակի տարբերություններով հանդերձ՝ հիմնարար արժեքներով մենք նույնն ենք։ Նրանք անգամ իրենց հանճարներին ոտնատակ են տալիս՝ Սախարով, Խոդորկովսկի։ Մենք գործ ունենք վիրավոր գազանի հետ։ Բայց սա ամենևին չի նշանակում, թե պետք է պատերազմ հայտարարենք, այդ տպավորությունը չստեղծվի, թե մենք պետք է դառնանք․․․ թե ես առաջարկում եմ դառնանք արևմուտքի առաջապահ գունդը ՌԴ-ին՝ հարվածելու համար։ Ոչ թե այն պատճառով, որ պետք է վախենալ, բացարձակապես, հակառակը՝ ես հայհոյաբերան չեմ, բայց ասեմ՝ և Պուտինը, և Լուկաշենկոն մեծագույն խնդիր են մարդկության համար։

Հարցազրույցն ամբողջությամբ՝ տեսանյութում։

Ռոբերտ Անանյան