16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Չավուշօղլուն հայտնել է՝ Անթալիայի ֆորումին Փաշինյանին չեն հրավիրել, այլ` Միրզոյանին ու Ռուբինյանին․Երևանը դեռ չի հաստատել իր մասնակցությունը
Քաղաքականություն
08.02.2022 | 18:37
Թուրքիայի ԱԳ նախարար Մևլութ Չավուշօղլուն այսօր լրագրողների հետ զրույցում հայտարարել է, որ Երևանը դեռ չի պատասխանել թուրքական կողմի հրավերին՝ մասնակցելու Անթալիայի դիվանագիտական ֆորումին, գրում են թուրքական լրատվամիջոցները։
Չավուշօղլուն հիշեցրել է, որ մարտի 11-13-ը կայանալիք ֆորումի հրավեր ուղարկվել է ՀՀ ԱԳ նախարար Արարատ Միրզոյանին ու ԱԺ փոխխոսնակ, Թուրքիայի հետ հարաբերությունների կարգավորման հատուկ բանագնաց Ռուբեն Ռուբինյանին։ Նա նշել է, որ ՀՀ վարչապետ Նիկոլ Փաշինյանին հրավեր չի ուղարկվել։
«Մենք Փաշինյանին հրավեր չենք ուղարկել, մեր նախագահն է առաջնորդներին հրավիրում։ Հայաստանից դեռ հաստատում չկա ֆորումին մասնակցության»,-ասել է Չավուշօղլուն։
Բացի այդ Թուրքիայի ԱԳ նախարարը նաև տեղեկացրել է, որ Հայաստանի ցանակությամբ է հայ և թուրք հատուկ բանագնացների հաջորդ հանդիպումը կայանում Վիեննայում։ Չավուշօղլուն ասել է, որ հեռախոսով առաջարկ է եղել երկրորդ հանդիպումը կա՛մ Վիեննայում, կա՛մ Ժնևում անցկացնել։
«Պարոն Սերդարի հետ (նկատի ունի թուրքական կողմի բանագնաց Սերդար Քըլըչին) խոսեցինք ու խորհրդակցեցինք։ Քանի որ Ժնևում նախկինում ձախողում էր եղել, ասացինք՝ թո՛ղ շարունակությունը դրա նման չլինի, ասացինք՝ թո՛ղ լինի Վիեննայում»,-ասել է Չավուշօղլուն։
Հիշեցնենք, որ Հայաստանի ու Թուրքիայի հատուկ բանագնացների երկրորդ հանդիպումը տեղի կունենա Վիեննայում փետրվարի 24-ին։
Էմմա Չոբանյան
