Լուկաշենկոն քծնում է իր տիրոջը՝ Պուտինին, սպառնալով ՀՀ-ին․ պատերազմում տեսա՛նք ձեր դեմքը․ Լևոն Շիրինյան․ ՏԵՍԱՆՅՈւԹ

Factor TV-ի զրուցակիցը Քրիստոնեա-ժողովրդավարական կուսակցության ղեկավար, քաղաքագետ Լևոն Շիրինյանն է

-Պարո՛ն Շիրինյան, Բելառուսի նախագահ Ալեքսանդր Լուկաշենկոն ծաղրող և վիրավորական արտահայտություններ է թույլ տվել ՀՀ-ի հասցեին՝ խոսելով միութենական պետություն մտցնելու ծրագրերի մասին․ «Հայաստանը փախչելու տեղ չունի… ինչ է, կարծում եք, նրանք ինչ-որ մեկին պե՞տք են… իրենք արդեն տեսել են, Նիկոլ Վովաևիչը դա արդեն տեսել է»։ Ինչո՞ւ է Լուկաշենկոն այսպիսի մտքեր արտահայտում։

-Լուկաշենկոն իր տիրոջ հետ բացարձակապես փակուղի է մտել՝ տանուլ են տվել։ Ուկրաինական ներխուժում չի լինելու, Պուտին կոչվածը ոչ մի զիջում չի ստանալու։ Ես կարծում եմ՝ առաջիկայում, եթե գործընթացներն այս հունով գնան, ռուսական բյուրոկրատիան ստիպված է լինելու այս ավտոկրատին հեռացնել իշխանությունից։ Այլ տարբերակ չունեն։

-Ինչո՞վ եք բացատրում ՌԴ-ում իշխանության փոփոխության սցենարը։

-Որովհետև բացարձակ ձախողել են՝ ներքին քաղաքականության մեջ հատկապես։ Իսկ արտաքին քաղաքականության մեջ ավանտյուրա արեց, որպեսզի ծածկի ներքինը, տարավ Չինաստանի ճորտը դարձրեց երկիրը՝ Թուրքիայի ձեռքի խաղալիքը, և չկարողացավ պառակտել արևմուտքը, հանել իրար դեմ, իր գործը հաջողեցնել։

-Ի՞նչ ենք ուզում Հայաստանից՝ Միութենական պետության մասին ակնարկելով։

-Շեղող հարվածներ են սրանք։ Գործընթացը գնում է և պարզ է, որ այս դինոզավրը տիրոջ հետ գնալու է։ Ես չեմ բացառում, որ Բելառուս ժողովուրդը, նրա ընդդիմությունը, ուժեղ լինելու համար պետք է դատի այս մարդուն՝ բանդիտիզմի, ընտրություն կեղծելու, նաև՝ անգրագետ լինելու համար։ Կյանքը ցույց տվեց, որ ՀԱՊԿ-ի գողապետերը կրթված չեն։ Լուկաշենկոն սա կոնկրետ նպատակով է արել, նախ՝ քծնում է տիրոջը, որովհետև Պուտին կոչվածի դեմքը տեսանք ապրիլյան և 44-օրյա պատերազմում, երբ թուրքի ձեռքով դա սանձազերծեց և Հայաստանը հրեց, գցեց ողբերգության մեջ, ինքը տեղավորվեց Ստեփանակերտում։

Հարցազրույցն ամբողջությամբ՝ տեսանյութում։

Ռոբերտ Անանյան