16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Շիրակի մարզում կորոնավիրուսի թվերն աճում են․ վարակվածների մեջ նաև Գյումրիի ավագանու անդամներ կան
Քաղաքականություն
08.02.2022 | 18:12
Շիրակի մարզպետարանի առողջապահության և սոցիալական ապահովության վարչության պետի ժ/պ Լեյլի Ասլանյանը Factor.am-ի հետ զրույցում տեղեկացրեց, որ Շիրակի մարզում այս պահին ամբուլատոր բուժում է ստանում կորոնավիրուսով վարակված 911 հիվանդ․ իսկ երեկ նմուշառված 103 անձանցից 79-ի մոտ թեստի արյունքը եղել է դրական։
«Ինչպես ողջ հանրապետությունում, այնպես էլ Շիրակի մարզում օրական աճ է գրանցվում։ Ավելանում է ամբուլատոր բուժում ստացողների թիվը։ Ըստ Հիվանդությունների վերահսկման և կանխարգելման ազգային կենտրոնի Շիրակ մասնաճյուղի տվյալների՝օրական կատարվող նմուշառումների 70-80 տոկոսի պատասխանը դրական է լինում»,- ասաց մարզպետարանի պաշտոնյան։ Ըստ նրա՝ ախտորոշվում է հիմնականում օմիկրոն շտամ, որը ավելի հազվադեպ է թոքաբորբի պատճառ դառնում։
Ի դեպ, կորոնավիրուսային հիվանդացության աճ է նկատվում նաև պետական կառույցներում։ «Քաղաքացիական պայմանագիր» կուսակցության ավագանու անդամների մեծ մասը՝ 7 հոգի, չէր մասնակցում Գյումրիի ավագանու այսօրվա նիստին։ Նիստի ընթացքում պարզաբանվեց, որ նրանք վարակված են կորոնավիրուսով։
Արմիկ Մովսիսյան
