14.05.2026 | 14:23
Ասում ենք՝ 300 հազար ադրբեջանցի է գալու, բայց արդեն կասկածում եմ նույնիսկ 500 հազար․ Կարապետյան. ՏԵՍԱՆՅՈՒԹ
Մի մենակի պատմություն․ 73-ամյա Նելլին 4 տարի է՝ տնից դուրս չի գալիս․ ՏԵՍԱՆՅՈւԹ
Հասարակություն
13.02.2022 | 13:02
73-ամյա Նելլի Սարիբեկյանը միայնակ է ապրում ու արդեն 4 տարի է՝ տնից դուրս չի եկել։ Նա ողջ կյանքը հաշմանդամություն է ունեցել, բայց լրիվ նստակյաց ու տնակյաց դարձավ, երբ 4 տարի առաջ ընկավ ու կոտրեց ոտքը։ Հիմա կնոջ օրերն անցնում են ձեռագործ կտավներ ստեղծելով։
Հայաստանում տնային խնամքի ծառայությունից օգտվում է 1880 տարեց կամ հաշմանդամություն ունեցող անձ, ցերեկային կենտրոններում խնամք ստանում է 1600 հոգի։ Տվյալների հավաքագրումը միասնական սոցիալական ծառայության միջոցով է իրականացվում․ քաղաքացին ինքը պետք է դիմի։ Երևանում տնային-ցերեկային խնամքի ծառայությունը աշխատանքի և սոցիալական հարցերի նախարարությունը պատվիրակել է Առաքելություն Հայաստան հասարակական կազմակերպությանը։ ՀԿ ներկայացուցիչ Աննա Գրիգորյանի խոսքով՝ իրենք մայրաքաղաքում տնային խնամքի ծառայություն են մատուցում 1065 շահառուի, իսկ ցերեկային կենտրոններ այցելում է 495 հոգի։
Միայնակ ապրող ու հաշմանդամություն ունեցող տիկին Նելլին այս ցանկում չկա։
Մանրամասները՝ տեսանյութում։
Անահիտ Հակոբյան
