18.08.2026 | 16:56
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
«Վիրահատական «գահից» իջել, նստել եմ հասարակ աթոռի, որ ավելի լավ երկիր կառուցելուն մասնակցեմ». Չարչյան. ՏԵՍԱՆՅՈՒԹ
Քաղաքականություն
08.02.2022 | 14:24
ՀՀ ազգային ժողովի «Հայաստան» խմբակցության պատգամավոր Արմեն Չարչյանը շարունակում է պնդել, որ իր կալանավորումը ապօրինի է եղել:
«Դա հաստատվեց երկու փաստաթղթով, առաջինը՝ Սահմանադրական դատարանի որոշմամբ, որ ինձ՝ որպես ԱԺ պատգամավորի, իրավունք չունեին կալանավորելու, և երկրորդը՝ միջգերատեսչական բժշկական հանձնաժողովի որոշմամբ՝ առողջական վիճակից ելնելով»,- ԱԺ-ում լրագրողների հետ զրույցում նշեց Չարչյանը՝ հավելելով, որ իր առողջական վիճակը նկատելի կերպով բարելավվել է, և արդեն կարող է անցնել աշխատանքի, գալ Ազգային ժողով:
«ԱԺ աշխատանքն իմ աշխատանքային առաջնահերթությունը չէ, աշխատանքային առաջնահերթությունը բժշկությունն է… Այս ընթացքում մեծ հաճույքով զբաղվելու եմ Երևանի պետական բժշկական համալսարանի վնասնավածքաբանության, օրթոպեդիայի ամբիոնի աշխատանքներով…
Իմ երազանքն է վերադառնալ իմ վիրահատարան: Վիրահատարանի «գահից» իջել եմ, նստել եմ այս հասարակ կարմիր աթոռներին միայն մի նպատակով, որ կարողանամ առավել բարեկեցիկ, առավել լավ երկիր կառուցելու վրա ազդեցություն ունենալ: Երբ այդ ամենը կամփոփվի, ես հաճույքով կվերադառնամ իմ վիրահատարան»,-ասաց Չարչյանը:
Մանրամասները՝ տեսանյութում:
