02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Տարբերություն չկա՝ դատարանի դուռ ես փակել, թե դատավորին «տականք» ես անվանել․ Սիսակ Գաբրիելյան. ՏԵՍԱՆՅՈՒԹ
Քաղաքականություն
08.02.2022 | 13:36
«Հայաստան» խմբակցությունը նախագիծ է ներկայացրել, որով առաջարկում է չեղարկել բալային համակարգը, հիմնավորելով, որ Սահմանադրությունն արգելում է նույն արարքի համար կրկնակի պատասխանատվության միջոցի կիրառումը:
«Քաղաքացիական պայմանագիր» խմբակցության պատգամավոր Սիսակ Գաբրիելյանը օրինակ բերեց պատգամավորների գործունեությունը և, դիմելով Արծվիկ Մինասյանին, նշեց. «Պարոն Մինասյան, նիստից կբացակայեք, աշխատավարձից պահում կանեն, շատ կբացակայեք՝ կասեն՝ ցտեսություն: Սա նշանակում է, որ նույն արարքի համար երկու անգա՞մ են պատժվում»:
Նշենք,որ Գեղամ Մանուկյանը վիճակագրություն էր ներկայացրել, ըստ որի, մինչև բալային համակարգի ներդրումը ավելի քիչ թվով մարդիկ էին մահացել ավտովթարներից:
Սիսակ Գաբրիելյանն արձագանքեց. «Այդպես լավ չի, ՀՅԴ-ի կառավարության օրինակը բերեք, ասեք՝ 1918-ին ո՛չ վթար է եղել, ո՛չ ճանապարհային երթևեկության կանոններն են խախտել: Բնական է, որ 2017 կամ 2018-ին ՃՏՊ-ները կարող էին ավելի քիչ լինել, որովհետև միայն այդ տարիներին այնքան մեքենա է ներկրվել Հայաստան, որ 13 տարվա մեջ չի ներկրվել: Բնական է, մեքենաները շատացել են, վթարներն էլ են շատացել»:
Անդրադառնալով վիրավորանքներին՝ Գաբրիելյանը նշեց. «Պարո՛ն Մանուկյան, Ձեր խմբակցության պատգամավորներից մեկը ԲԴԽ դատավորներին անվանում է «տականքներ»: Տարբերություն չպետք է լինի դատարանի դուռ ես փակել, թե դատավորին «տականք» ես անվանել»:
Մանրամասները՝ տեսանյութում:
