05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
էմանուել Մակրոնը ժամանել է Ուկրաինա
Քաղաքականություն
08.02.2022 | 15:40
Ֆրանսիայի նախագահ Էմանուել Մակրոնն այսօր՝ փետրվարի 8-ին, ժամանել է Ուկրաինա, հայտնել է Ուկրաինայում Ֆրանսիայի դեսպան Էթյեն դե Պոնսենը։
«Պատիվ ունեմ Կիևում ողջունելու նախագահ Էմանուել Մակրոնին, որը ժամանել է Վլադիմիր Զելենսկու հետ հանդիպելու և նախարար Ժան-Իվ Լե Դրիանին, որը կհանդիպի նախարար Դմիտրի Կուլեբայի հետ: Առջևում շատ զբաղված օր է սպասվում: Բարի գալուստ Ուկրաինա»,- գրել է դեսպանը Twitter-ում։
Հիշեցնենք, որ նախօրեին Մակրոնը Մոսկվայում էր, որտեղ շուրջ 6-ժամյա բանակցություններ էր վարել ՌԴ նախագահ Վլադիմիր Պուտինի հետ։ Մակրոնը հանդիպումից հետո հայտարարել էր, որ առաջիկա օրերը վճռորոշ կլինեն Ուկրաինայի համար։
Տաթև Ֆռանգյան
