11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ցուցարարներից Տիգրան Մազմանյանին ձերբակալել են․ նրան սպառնում է 3 տարվա ազատազրկում
Հասարակություն
17.04.2018 | 23:09
«Քայլ արա՝ մերժիր Սերժին» նախաձեռնության կազմակերպած բողոքի ակցիաներին մասնակցող ցուցարարներից Տիգրան Մազմանյանին ձերբակալել են։ Նրա հայրը՝ Մհեր Մազմանյանը, Factor.am-ին հայտնեց, որ որդին հիմա պահվում է Էրեբունու նախնական կալանքի մեկուսարանում։ Տիգրան Մազմանյանը կասկածվում է երկու հոդվածներով՝ ՀՀ քրեական օրենսգրքի 225-րդ հոդվածի 2-րդ մասով և 225-րդ հոդվածի առաջին մասով սահմանված արարքներ կատարելու մեջ։
Քրեական օրենսգրքի 225-րդ հոդվածի 2-րդ մասը սահմանում է զանգվածային անկարգությունների ժամանակ դրանց մասնակցի կողմից բռնություն գործադրելը, ջարդ կամ հրկիզում իրականացնելը, գույք ոչնչացնելը կամ վնասելը, հրազեն, պայթուցիկ նյութեր կամ պայթուցիկ սարքեր գործադրելը կամ իշխանության ներկայացուցչին զինված դիմադրելը` պատժվում են ազատազրկմամբ` երեքից ութ տարի ժամկետով, եթե այդ արարքները կատարելն ինքնին չի առաջացնում սույն օրենսգրքի այլ հոդվածներով ավելի խիստ պատասխանատվություն:
Հաջորդ մեղադրանքը՝ 225-1. 1-ին մասը սահմանում է օրենքով սահմանված կարգի խախտմամբ հավաքը դիտավորությամբ կազմակերպելը և անցկացնելը՝ պատժվում են տուգանքով՝ նվազագույն աշխատավարձի երկուհարյուրապատիկից երեքհարյուրապատիկի չափով, կամ կալանքով՝ առավելագույնը երկու ամիս ժամկետով։
Հավելենք, որ վերջին մեկ օրվա ընթացքում, Factor.am-ի տեղեկություններով, բերման է ենթարկվել շուրջ 37 քաղաքացի։ Բացի Մազմանյանից, ՀՔԾ-ի տարածած հաղորդագրության համաձայն, ևս երկու քաղացի է ձերբակալվել։
