07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Գերությունից այսօր վերադարձածները ՔԿ-ում հարցաքննվել են, հնարավոր է՝ քրգործ չհարուցվի
Հասարակություն
07.02.2022 | 20:26
Այսօր Ադրբեջանից Հայաստան վերադարձած ութ ռազմագերիները բուժզննում անցնելուց հետո հրավիրվել են Քննչական կոմիտե։ Այս մասին տեղեկությունը Factor.am-ի հետ զրույցում հաստատեց ՀՀ քննչական կոմիտեի մամուլի խոսնակ Վարդան Թադևոսյանը` նշելով, որ գերությունից վերադարձածները Զինվորական քննչական գլխավոր վարչությունում են։
«Քրգործ չկա հարուցված։ Ցանկացած զինվոր վերադառնալուց հետո հրավիրվում է հարցաքննության։ Ամենայն հավանականությամբ, հնարավոր է, որ նրանց նկատմամբ գործ չհարուցվի,-ասաց ՔԿ խոսնակն ու հավելեց,-Օդանավակայանից գնացել են բուժզննության, հետո` այստեղ։ Ժամկետայինները կվերադառնան ծառայության, իսկ պայմանագրայինները` տուն»։
Նշենք, որ ադրբեջանական գերությունից վերադարձած որոշ զինծառայողներ անցնում են քրեական գործերով։
