09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիայի զինված ուժերը և ընդդիմադիր խմբավորումները գնդակոծել են Սիրիայի Հասաքե նահանգը
Քաղաքականություն
07.02.2022 | 22:38
Թուրքիայի զինված ուժերն ու նրանց հետ համագործակցող սիրիական զինված ընդդիմության կազմավորումները գնդակոծել են Հասաքե նահանգի հյուսիսում գտնվող Աբու Ռասեյն գյուղի ծայրամասերը։ Այս մասին երկուշաբթի հայտնել է Sana գործակալությունը՝ հղում անելով տեղական աղբյուրներին։
Գործակալության տվյալներով՝ հրետանային և ականանետային հարվածներ են հասցվել ինչպես բնակելի, այնպես էլ գյուղատնտեսական տարածքներին։ Նշվում է, որ մի քանի տեղացի ընտանիքներ ստիպված են եղել լքել իրենց տները՝ վախենալով ավելի մեծ հարձակումից: Նշվում է նաև, որ նյութական վնաս է հասցվել հարձակման ենթարկված տարածքներին։
Վերջին ամիսներին Աբու Ռասեյնի շրջանը բազմիցս դարձել է թուրքական հրետանու և սիրիական զինված ընդդիմության ջոկատների թիրախը։ Այսպես, 2021 թվականի դեկտեմբերի 30-ին այս բնակավայրի գնդակոծության ժամանակ վիրավորվել է տեղի բնակիչը, վնասվել է մզկիթի շենքը, որը մասամբ փլուզվել է, վնասվել է մի քանի տուն և այլ շինություններ։
Տաթև Ֆռանգյան
