17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Մադագասկարում ավերիչ փոթորկի հետևանքով զոհվել է 10 մարդ, մի քանի գյուղ ամբողջությամբ ավերվել է
Քաղաքականություն
07.02.2022 | 22:51
Առնվազն 10 մարդ է զոհվել Մադագասկարում հզոր արևադարձային «Բատսիրայ» ցիկլոնի հետևանքով։ Մոտ 50 հազար բնակիչ ստիպված է եղել լքել իրենց տները և ապաստանել հատուկ ստեղծված ապաստարաններում։
Ցիկլոնը հարվածել է այս կղզի պետության արևելյան ափերին կիրակի օրը: Այն բերել է հորդառատ անձրևներ և քամու պոռթկում մինչև 235 կմ/ժ արագությամբ, ինչը բարձր ալիքներ է առաջացրել ափամերձ շրջաններում։ Արդյունքում մի քանի գյուղեր ամբողջությամբ ավերվել են, գրում է Euronews-ը։
«Ապաստարանները, որտեղ մարդիկ թաքնվել էին, նույնպես վնասվել են, ուստի՝ նրանք այսօր առավոտյան վերադարձել են իրենց տները՝ ստուգելու, թե ինչ է մնացել դրանցից և տեսնելու, թե արդյոք ինչ-որ բան հնարավոր է վերանորոգել: Եվ հետո նրանք ստիպված կլինեն այլ կացարան փնտրել, քանի որ վնասվել են նաև ապաստարանները»,- ասել է Մադագասկարում Պարենի համաշխարհային ծրագրի տնօրեն Պասկուալինա Դի Սիրիոն։
Տեղի լրատվամիջոցների հաղորդմամբ՝ որոշ քաղաքներ, երկու օր է, հոսանքազրկված են, ջրամատակարարման ընդհատումներ են եղել։ Նույնիսկ դպրոցների ու եկեղեցիների տանիքներն են վնասվել, որոնք սովորաբար օգտագործվում են որպես տարհանման կենտրոններ:
Օդերևութաբանների կանխատեսումների համաձայն՝ ցիկլոնը շարժվում է հարավ-արևմտյան ուղղությամբ և դեռ չի սպառնում Աֆրիկայի մայրցամաքային հատվածին։
Տաթև Ֆռանգյան
