17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Pfizer պատվաստանյութի արդյունավետությունը երեխաների համար կազմել է 57%
Քաղաքականություն
07.02.2022 | 23:30
Pfizer/ BioNTech կորոնավիրուսի դեմ պատվաստանյութի երկու չափաբաժինների արդյունավետությունը 2-4 տարեկան երեխաների համար կազմել է 57%, իսկ 6 ամսականից մինչև 2 տարեկան երեխաների համար՝ 50%, հայտնում է Axios պորտալը՝ հղում անելով սեփական աղբյուրին։
Ընկերությունն ավելի վաղ հայտնել էր, որ 2-5 տարեկան երեխաների համար Pfizer/ BioNTech կորոնավիրուսային պատվաստանյութի երկու չափաբաժինների արդյունավետությունը սպասվածից քիչ է եղել:
Ընկերությունները փորձարկում են դեղամիջոցի երրորդ չափաբաժինը:
«Pfizer-ի տվյալները ցույց են տվել, որ պատվաստանյութերը 57%-ով արդյունավետ են եղել 2-4 տարեկան երեխաների սիմպտոմատիկ հիվանդության դեմ և 50%-ով արդյունավետ 6 ամսականից մինչև 2 տարեկան երեխաների մոտ»,- նշում է պորտալը։
Հավելենք, որ Pfizer-ը և BioNTech-ը դիմել են ԱՄՆ-ի Սննդի և դեղերի վարչություն մինչև 5 տարեկան երեխաների համար կորոնավիրուսային պատվաստանյութի հրատապ օգտագործման հաստատման համար։
Տաթև Ֆռանգյան
