06.10.2026 | 17:54
Վահագն Խաչատուրյանն ու Գերմանիայի դեսպանը քննարկել են երկկողմ հարաբերությունների զարգացումը
Հայհոյանքը պետք է արգելված լինի, խոսքի ազատությունն ունի սահմանափակումներ․ Վլադիմիր Վարդանյան․ ՏԵՍԱՆՅՈՒԹ
Հասարակություն
07.02.2022 | 14:28
Հայհոյանքը պետք է արգելված լինի Հայաստանում: Այս մասին այսօր լրագրողների հետ ճեպազրույցում նշեց ԱԺ պետաիրավական հարցերի մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Վլադիմիր Վարդանյանը։
«Խոսքի ազատությունն այն կարևորագույն արժեքներից է, որ պետք է պաշտպանվի, երկրորդ՝ մենք պետք է հասկանանք, որ խոսքի ազատությունն ունի սահմանափակումներ»,- նշեց Վարդանյանը՝ հավելելով, որ հայհոյանքը խոսքի ազատության դրսևորում չէ:
Պատգամավորի դիտարկմամբ՝ համացանցը այժմ հնարավորություններ է տալիս մարդկանց հայհոյանքներ տարածել և չպատժվել դրա համար, այդ իսկ պատճառով պետք է համապատասխան քայլեր ձեռնարկվեն:
«Հայհոյանքը որպես կատեգորիա ընդհանրապես պետք է դուրս մնա հանրային դիսկուրսից: Ցավոք, հայհոյանքը սոցիալական ցանցի առկայության պարագայում վերացվել է մի դաշտի, որը կարող է բերել հանցավոր երևույթների: Հայհոյանքը ոչ թե խոսքի ազատության դրսևորում է, այլ խոսքի ազատության սահմանափակման այն իրավաչափ դեպքերից է, երբ, ըստ էության, Մարդու իրավունքների եվրոպական դատարանը հայհոյանք տված մարդուն պաշտպանություն չի տրամադրում: Ես չեմ խոսում ոչ շեմային դեպքերից, ոչ վիրավորանքի այլ դրսևորումներից: Գիտեք, որ օրենքի ընդունման նպատակը նախ և առաջ այդ իրավիճակը շտկելն էր»,- ասաց Վարդանյանը:
Մանրամասները՝ տեսանյութում:
