19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԵՄ-ի և Բելառուսի սահմանին շուրջ 5000 բեռնատար կա կուտակված
Քաղաքականություն
07.02.2022 | 14:09
Գրեթե 5000 բեռնատարներ կանգնած են սահմանին՝ Բելառուսից Եվրամիության երկրներ մեկնելու համար։ Այս մասին են վկայում Բելառուսի պետական սահմանային կոմիտեի փետրվարի 7-ի տվյալները, գրում է EADaily-ն։
Ծանր բեռնատարների մեծ մասը գտնվում է Բելառուսի և Լիտվայի սահմանին՝ մոտ 2240 բեռնատար։ Լատվիայի ուղղությամբ կանգնած է ավելի քան 1000 բեռնատար, որոնք չեն կարող լքել Բելառուսը։
Վերջին տարիներին Բելառուսի և ԵՄ-ի սահմանին նմանատիպ հերթերը հաճախակի են: Բելառուսական կողմը այս ամենի մեջ մեղադրում է իր օտարերկրյա գործընկերներին, որոնք, իբր, դանդաղ են աշխատում և չեն կատարում մեքենաների տրանզիտի հետ կապված իրենց պարտավորությունները։ Ստեղծված իրավիճակով պայմանավորված՝ վերջին շրջանում սահմանին հաճախակի են դարձել արտակարգ դեպքերը։ Մասնավորապես, փետրվարի 2-ին բեռնատարներից մեկում վարորդ էր մահացել, իսկ փետրվարի 5-ին Կոզլովիչի անցակետում բեռնատարը վրաերթի էր ենթարկել մաքսակետի աշխատակցի, որը ստացած վնասվածքներից մահացել էր։
Տաթև Ֆռանգյան
