10.10.2026 | 13:36
Հայտնաբերվել է զինծառայողի դի՝ հրազենային վնասվածքով․ ՊՆ
Լեհաստան է ժամանել 1700 ամերիկացի զինվորական
Քաղաքականություն
07.02.2022 | 12:55
ԱՄՆ-ից Լեհաստան է ժամանել 1700 հոգանոց լրացուցիչ զորակազմ՝ ՆԱՏՕ-ի արևելյան թևն ուժեղացնելու համար։ Այս մասին հայտարարել է Լեհաստանի պաշտպանության նախարար Մարիուշ Բլաշչակը, գրում է korrespondent-ը։
«Մենք հետևողականորեն ամրապնդում ենք Լեհաստանի և ՆԱՏՕ-ի արևելյան թևի անվտանգությունը: 82-րդ օդադեսանտային դիվիզիայի զինծառայողները հենց նոր վայրէջք կատարեցին Ռզեսով քաղաքի օդանավակայանում»,- գրել է նա Twitter-ում:
ՊՆ ղեկավարի խոսքով՝ ամերիկացի զինվորները կգործեն Լեհաստանի հարավարևելյան հատվածում՝ Ուկրաինայից ոչ հեռու. «Այս վայրը գրավում է ոչ միայն մեր, այլև ՆԱՏՕ-ի և ԱՄՆ-ի ուշադրությունը»։
«ԱՄՆ-ի լրացուցիչ ուժերի անհապաղ ժամանումը լավագույն պատասխանն է ՆԱՏՕ-ի արևելյան թևի առջև ծառացած սպառնալիքներին: Դա նաև ապացուցում է, որ դաշնակիցների պարտավորություններին շատ լուրջ են վերաբերվում, սա«միասին ավելի ուժեղ» կարգախոսի լավագույն ապացույցն է», – կիրակի օրը կայացած մամուլի ասուլիսում ասել է Մարիուշ Բլաշչակը։
Նա հավելել է, որ լրացուցիչ ամերիկյան ուժերը կամրապնդեն Լեհաստանի և ամբողջ դաշինքի պաշտպանությունը՝ կապված Ուկրաինայի սահմանների մոտ Ռուսաստանի Դաշնության և Բելառուսի ագրեսիվ գործողությունների հետևանքով ահագնացող ճգնաժամի հետ։
2017 թվականից ի վեր Լեհաստանում ռոտացիոն սկզբունքով տեղակայվել է մոտ 4000 ամերիկացի զինվորական։
Տաթև Ֆռանգյան
