10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
ԵՐԵՎԱՆԻ ԺԱՄԱՆԱԿՈՎ․ Թե´ իշխանությունը, թե´ ընդդիմությունը սպասարկում են նույն թեզերը և պետության դեմ են աշխատում
Քաղաքականություն
05.02.2022 | 17:02
«2020-ի նոյեմբերի 9-ը նետեց մեզ վերակենդանացման բաժանմունք. մինչև հիմա այնտեղ ենք: Բոլորս ենք ապատիայի մեջ, բայց բոլոր դեպքերում հնարավոր է վերականգնվել և կոնսոլիդացնել ուժերը»,-Factor TV-ի հետ զրույցում նման տեսակետ է հայտնում երաժիշտ, երգահան Եղիշե Պետրոսյանը:
Նա անդրադառնում է արտաքին և ներքին քաղաքական խնդիրների, մասնավորապես` հայ-թուրքական հարաբերությունների կարգավորման հարցին. «Խաղաղության դարաշրջան» հասկացությունը խաբեություն է: Մեր տարածաշրջանում խաղաղություն հնարավոր է երկու դեպքում` կա´մ Հայկական հարցի արդարացի, մեզ շահեկան լուծման, կա´մ մեզ այստեղից դուրս նետելու արդյունքում. մեր իշխանությունը, Թուրքիան, Ադրբեջանն ու Ռուսաստանը հետևողականորեն տանում են մեզ երկրորդ ուղով»:
Ինչ վերաբերում է Հայաստանի ներքին քաղաքականությանը, Եղիշե Պետրոսյանի համոզմամբ`թե´ իշխանությունը, թե´ խորհրդարանական ընդդիմությունը սպասարկում են նույն թեզերը. «Իշխանությունը ռուս-թուրքական ծիրում է, ընդդիմությունը`ռուսական ծիրում: Երկուսն էլ մեր պետության դեմ են աշխատում»:
Եղիշե Պետրոսյանը խոսում է ներքին քաղաքական մեկ այլ թեմայի շուրջ ևս` նախագահի թափուր տեղի մասին. «Վստահ եմ, որ ՔՊ նախագահի թեկնածու Վահագն Խաչատուրյանին կանցկացնեն: Նախագահը մի դակիչի ֆունկցիայով վարչապետի կամքն իրականացնող է լինելու, ուզի, թե ոչ. ՀՀ Սահմանադրությունն է այդ թելադրում»:
Մանրամասները` տեսանյութում:
Աննա Բաբաջանյան
