10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Թուրքիայում հակադարձում են գնաճի պաշտոնական տվյալներին․ այն իրականում մոտ 115 տոկոս է
Քաղաքականություն
04.02.2022 | 19:58
Թուրքիայում ակադեմիկոսների և տնտեսագետների անկախ խումբը, որն աշխատում է տնտեսական ցուցանիշների քարտեզագրման հիմնական տվյալների վրա, հայտարարել է, որ հունվարին երկրում գնաճի մակարդակը հասել է 114,87 տոկոսի, ինչը շատ ավելի բարձր է, քան պաշտոնապես հայտարարված ցուցանիշը, հաղորդում են տեղական լրատվամիջոցները:
The Inflation Research Group-ի համաձայն՝ երկրում ամսական սպառողական գներն աճել են 15,52 տոկոսով, մինչդեռ տարեկան գնաճը հունվարին կազմել է մինչև 114,87 տոկոս։
Հիշեցնենք, որ Թուրքիայի Ազգային վիճակագրական ծառայությունը ևս հրապարակել է գնաճի պաշտոնական տվյաները, որը ևս բարձր ցուցանիշ է։ Տարեկան գնաճը հունվարին ավելացել է մինչև 48,69 տոկոս, ինչը ամենաբարձր ցուցանիշն է 2002 թվականից ի վեր, երբ նախագահ Ռեջեփ Թայիփ Էրդողանի իշխող «Արդարություն և զարգացում» կուսակցությունը երկրում եկել է իշխանության։
The Inflation Research Group-ը սկսել է հաշվարկել տնտեսական ցուցանիշները, քանի որ կան կասկածներ, որ պետական կառույցը ճիշտ տվյալներ չի հրապարակում։
Էմմա Չոբանյան
