10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
ԱԻՆ-ը հատուկ վարժանք է անցկացրել Աշտարակում
04.02.2022 | 22:44
Արագածոտնի մարզային փրկարարական վարչությունն այսուհետև իր աշխատանքները կկազմակերպի վերանորոգված և նոր գույքով հագեցած վարչական շենքում: Իսկ մինչ վարչության հիմնանորոգված շենքի բացման արարողությունը «Փրկարարական և որոնողափրկարարական աշխատանքների կազմակերպում և իրականացում ուժեղ երկրաշարժի ժամանակ» թեմայով հատուկ տակտիկական ուսումնավարժանք է անցկացվել Ն. Աշտարակեցու անվան թիվ 1 հիմնական դպրոցում:
Վարժանքի պլանի համաձայն՝ Աշտարակ քաղաքից 7կմ դեպի հյուսիս-արևելք տեղի է ունեցել 5.5 մագնիտուդով ուժեղ երկրաշարժ, որի ուժգնությունը էպիկենտրոնում կազմել է 8 բալ: Երկրաշարժի հետևանքով առաջացել են փլուզումներ, որի արդյունքում՝ եղել են տուժածներ: Ազդարարման, տարահանման աշխատանքներից հետո, պայմանական տուժածներին ցուցաբերվել է առաջին օգնություն: Կիրառված ալպինիստական գործիքների միջոցով շենքի արգելափակված տարածքից աշակերտները դուրս են բերվել:
Վարժանքին ներկա են գտնվել Արտակարգ իրավիճակների նախարար Անդրանիկ Փիլոյանը, Արագածոտնի մարզպետ Սերգեյ Մովսիսյանը, ՓԾ տնօրեն Արմեն Գասպարյանը, Ն. Աշտարակեցու անվան թիվ 1 հիմնական դպրոցի տնօրեն Կարեն Սիմոնյանը, ՓԾ ստորաբաժանումների և ԱԻՆ բոլոր Մարզային փրկարարական վարչությունների ղեկավարները:
Մարզպետ Ս. Մովսիսյանը կարևորել է նմանատիպ վարժանքների և միջոցառումների կազմակերպումը: Ըստ նրա՝ երեխաների անմիջական մասնակցությունը արդյունավետ և նպատակային է, քանզի նման իրավիճակում նրանք առավել արագ կկողմնորոշվեն: Նրա գնահատմամբ՝ թե´ աշակերտները և թե´ փրկարարներն իրենց առջև դրված խնդիրը լավ են կատարել:
Փրկարար ծառայողների շենքային պայմանների բարելավման խնդիրները ԱԻ նախարարության համար առաջնահերթ են: Արագածոտնի մարզային փրկարարական վարչության հիմնանորոգված շենքի բացման արարողության ժամանակ ԱԻ նախարար Անդրանիկ Փիլոյանը նշել է, որ աշխատանքների աբողջ ընթացքն իրականացվել է աշխատակիցների ուժերով, իսկ նյութական միջոցները հատկացրել է նախարարությունը: Գերատեսչության ղեկավարը հայտնել է, որ նախատեսվում է նոր վերանորոգված շենքերն ապահովել նաև նոր գույքով և տեխնիկական միջոցներով: Առաջիկայում կավարտվեն նաև Արագածոտնի մարզի Ապարան և Կոտայքի մարզի հրշեջ փրկարարական ջոկատների շենքային պայմանների բարելավման աշխատանքները:
Միջոցառումից հետո անցկացվել է աշխատակիցների խրախուսման արարողություն և հրամանատարական պատրաստության պարապմունքներ՝ մարզային փրակարարական վարչության ղեկավարների մասնակցությամբ:
