28.02.2026 | 17:48
Էդուարդ Սպերցյանի գոլն օգնեց «Կրասնոդարին» հաղթել «Ռոստովին»․ ՏԵՍԱՆՅՈՒԹ
Պեկինում տեղի է ունեցել 24-րդ ձմեռային օլիմպիական խաղերի բացման արարողությունը․ ԼՈՒՍԱՆԿԱՐՆԵՐ
Քաղաքականություն
04.02.2022 | 18:37
Աշխարհի ուշադրությունը կենտրոնացած է Պեկինի ազգային մարզադաշտի վրա, քանի որ այնտեղ անցկացվում է 2022 թվականի ձմեռային օլիմպիական խաղերի բացման արարողությունը, գրում է CNN-ը:
Մարզադաշտը, որն իր դիզայնի պատճառով կոչվում է Թռչունների բույն, հյուրընկալել է նաև 2008 թվականի ամառային օլիմպիական խաղերի բացման արարողությունը։ Պեկինը պատմության մեջ առաջին քաղաքն է, որտեղ հյուրընկալվել են ինչպես ամառային, այնպես էլ ձմեռային օլիմպիական խաղեր:
Չինաստանի նախագահ Սի Ցզինպինը մասնակցել է խաղերի պաշտոնական բացման արարողությանը։ Արարողությանը ներկա են եղել բազմաթիվ այլ երկրների ղեկավարներ, սակայն հատկանշական է, որ բացակայում են ժողովրդավարական խոշոր տերությունների առաջնորդները; Հիշեցնենք՝ Մեծ Բրիտանիան, Ավստրալիան և Կանադան միացել էին ԱՄՆ-ի դիվանագիտական բոյկոտին՝ վկայակոչելով մարդու իրավունքների ոտնահարումները Պեկինում:
Ստորև ներկայացնում ենք CNN-ի լուսանկարների շարքը Օլիմպիական խաղերի բացման արարողությունից։
Տաթև Ֆռանգյան
