10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Մեծ Բրիտանիան աջակցում է ՀՀ-ում մարդու իրավունքների խթանմանը՝ կենտրոնանալով ԶՈՒ-ում մարդու իրավունքների պաշտպանության վրա
Քաղաքականություն
04.02.2022 | 19:23
Հայաստանում Միացյալ Թագավորության դեսպան Ջոն Գալագերը միացել է Եվրոպայի խորհրդի առցանց HELP դասընթացին՝ քրեական դատավարության և զոհերի իրավունքների ընթացակարգային երաշխիքների վերաբերյալ: Այս մասին ասվում է ՀՀ-ում Մեծ Բրիտանիայի դեսպանության ֆեյսբուքյան էջում հրապարակված հաղորդագրությունում։
Նշվում է, որ Մեծ Բրիտանիան աջակցում է այս նախաձեռնությանը, որն իրականացվում է Հայաստանի Արդարադատության ակադեմիայի հետ համագործակցությամբ։
«Մեծ Բրիտանիան կարծում է, որ մենք պետք է ավելին անենք՝ աջակցելու Եվրոպայի խորհրդի անդամ երկրներին՝ հասնելու բոլորի համար արդարադատության հասանելիության հավասարությանը։ Մենք արդեն մի քանի տարի է՝ աջակցում ենք Հայաստանում մարդու իրավունքների խթանմանը՝ կենտրոնանալով Զինված ուժերում մարդու իրավունքների պաշտպանության վրա, ուժեղացնելով Հայաստանի կարողությունները՝ կյանքի կոչելու Մարդու իրավունքների ազգային գործողությունների ծրագիրը՝ կապված ընտանեկան բռնության դեպքերի կանխարգելման և արձագանքման հետ, և երեխաների իրավունքների պաշտպանությանը»,- ասել է դեսպանը:
Տաթև Ֆռանգյան
