29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ջո Բայդենն ու Օլաֆ Շոլցը կքննարկեն ռուս-ուկրաինական հակամարտությունը
Քաղաքականություն
04.02.2022 | 17:30
ԱՄՆ նախագահ Ջո Բայդենը և Գերմանիայի կանցլեր Օլաֆ Շոլցը հաջորդ շաբաթ Վաշինգտոնում հանդիպման ժամանակ կքննարկեն ռուս-ուկրաինական հակամարտությունը, Չինաստանին ու երկկողմ հարաբերություններին առնչվող հարցեր։ Այս մասին հայտնում է US news-ը՝ հղում կատարելով Գերմանիայի կառավարությունում սեփական աղբյուրին։
Պաշտոնյան հայտնել է, որ Գերմանիան և Միացյալ Նահանգները սերտ խորհրդակցություններ են անցկացնում Ռուսաստանի դեմ հնարավոր պատժամիջոցների շուրջ, եթե Մոսկվան ներխուժի Ուկրաինա։ Այս հարցի շուրջ սերտ քննարկումներ են ընթանում նաև Ֆրանսիայի հետ։
Շոլցը Վաշինգտոնում Բայդենի հետ պետք է հանդիպի երկուշաբթի։ Պարբերականի աղբյուրը հայտնել է, որ Գերմանիայի կանցլերը հաջորդ շաբաթ կայցելի Կիև և Մոսկվա։
Ավելի վաղ Sueddeutsche Zeitung պարբերականը հայտնել էր, որ Շոլցը Մոսկվա կայցելի փետրվարի 15-ին, իսկ հաջորդ օրը կմեկնի Կիև։
Տաթև Ֆռանգյան
